وش سبـب دمعــة الغــيم ؟ ( صدى للرائع حمدان المطرفي )

[تركي صالح]

ابداع يابو خالد كما عودتنا

صح لسانك ملايين

قصيده رائعه من شاعراً رائع ومميز

تجبرنا جزالته على متابعة كل رائعه يكتبها

دمت ودام هذا التميز

وتقبل خالص التقدير والاحترام

[عبدالله سماح المجلاد]

المشاركة الأصلية كتبت بواسطة خلف الغريب

صدى لرائعة الرائع حمدان المطرفي ..

يا برق قل لي : وش سبب دمعة الغيم ؟=دام الوطـا يضحـك لنـا ديدحانـه !!
( السين ) مات وما لقى خانة ( الجيم )=والقاتـل المجهـول يعـزف كمـانـه
ما هو شهيد , وعاش من ضيم في ضيم=خانه لذيذ العيش ... والمـوت خانـه
مظلـوم يشكـي واقـعـه للمظالـيـم=راهن , وبالتالي خسـر فـي رهانـه
خصم الزمن عود مع العالـم خصيـم=واثبـت لـه القاضـي دليـل الادانـة
جـلاد وينـفـذ جمـيـع المراسـيـم=سيفـه عشـق دم الـوريـد لمعـانـه
ورمـت خشـوم مكبريـن الملاطيـم=تقـول معهـم مـن زمنهـم ضمانـه
شف فرحة التاجـر علـى كـل مليـم=وشف حزن فاقد عطـف الام وحنانـه
ثليـم طـاح وغيـره ثليـم وثليـم*=مـا باقـي الا سيرتـه فـي مكـانـه
مقسوم , يا الله فـي خيـار المقاسيـم=ماعـاد يـا ( حمـدان ) فيهـا ميانـه
من دون برطم ما قدر ينفخ ( شريـم )=بـس يتمـنـى والمـنـى بوبهـانـه
يبغى نفس يحيـا بعـد طـول تكميـم=ويلعب مع الغريد ( يـا ليـل دانـة )
لاتطيح يـا لابـس شمـاغ المراسيـم=دامك رضعت العـز وقـت الحضانـة
مزاجها لو كان ما هـو ب( تسنيـم )=مـاء الكرامـة فـي إنـاء الأمـانـة
وان عودت بين العـرب علـم وعليـم=( لنـا السنـام ..وبالله الاستعـانـة )
نقرا على الشيطان ( عم ) و ( حـم )=ونجلـد عشيـر ابليـس بالخيزرانـة
كذا عرفنـا وش سبـب دمعـة الغيـم=والله يحـيـي شـوكـه وزعفـرانـه

ألا تدري
ياخلف الغريب
ماسبب دمعة الغيم
أنا أقو لك
لأنك لامست الغيم
بروؤس الأصابع إبداعاً
ففتحت مهجة الغمام
لينسكب منها الدمع
كما انسكب لنا من غمامك الشعر الأصيل
أنت بالفعل مثري جداً
أيها الغالي على قلبي