وش سبـب دمعــة الغــيم ؟ ( صدى للرائع حمدان المطرفي )

[سعد النفج]

المشاركة الأصلية كتبت بواسطة خلف الغريب

صدى لرائعة الرائع حمدان المطرفي ..

يا برق قل لي : وش سبب دمعة الغيم ؟=دام الوطـا يضحـك لنـا ديدحانـه !!
( السين ) مات وما لقى خانة ( الجيم )=والقاتـل المجهـول يعـزف كمـانـه
ما هو شهيد , وعاش من ضيم في ضيم=خانه لذيذ العيش ... والمـوت خانـه
مظلـوم يشكـي واقـعـه للمظالـيـم=راهن , وبالتالي خسـر فـي رهانـه
خصم الزمن عود مع العالـم خصيـم=واثبـت لـه القاضـي دليـل الادانـة
جـلاد وينـفـذ جمـيـع المراسـيـم=سيفـه عشـق دم الـوريـد لمعـانـه
ورمـت خشـوم مكبريـن الملاطيـم=تقـول معهـم مـن زمنهـم ضمانـه
شف فرحة التاجـر علـى كـل مليـم=وشف حزن فاقد عطـف الام وحنانـه
ثليـم طـاح وغيـره ثليـم وثليـم*=مـا باقـي الا سيرتـه فـي مكـانـه
مقسوم , يا الله فـي خيـار المقاسيـم=ماعـاد يـا ( حمـدان ) فيهـا ميانـه
من دون برطم ما قدر ينفخ ( شريـم )=بـس يتمـنـى والمـنـى بوبهـانـه
يبغى نفس يحيـا بعـد طـول تكميـم=ويلعب مع الغريد ( يـا ليـل دانـة )
لاتطيح يـا لابـس شمـاغ المراسيـم=دامك رضعت العـز وقـت الحضانـة
مزاجها لو كان ما هـو ب( تسنيـم )=مـاء الكرامـة فـي إنـاء الأمـانـة
وان عودت بين العـرب علـم وعليـم=( لنـا السنـام ..وبالله الاستعـانـة )
نقرا على الشيطان ( عم ) و ( حـم )=ونجلـد عشيـر ابليـس بالخيزرانـة
كذا عرفنـا وش سبـب دمعـة الغيـم=والله يحـيـي شـوكـه وزعفـرانـه

الله .. الله .. الله


رائعه و مميزه من شاعر مميز مهما تحدثت لن أصل الى جزء بسيط من وصف ابداعاته..

صح لسانك والله يعطيك العافيه على التميز والابداع الدائمين...