الانتماء الروحي للويلان هو حافز للاستمرار ، اتمنى ان انال رضاكم دوما
لايدب بخافقـك ياصاحبـي بعـض الوجـل = وانت رجل ٍ ماتعرف شلون اساليب الحريـم
ايه انثـى لكـن افضـل مـن 800 رجـل = بنت ماترضى الغلط وابـوي رجـال ٍ كريـم
أركد اركد لايصيـر بداخلـك قلـب ٍ عجـل = لاتميل خطاك عن درب الصـراط المستقيـم
الرجـل لاصـار مابـه لاحيـاء ولا خجـل = مايعـد إلا رجـل مسكيـن والله العظـيـم
كل مادق بميني حجـل يزعـل بـي حجـل = كفي اللي مرتوي من مية الوجـه الحشيـم
وانت لو انـك تعـد لجـدك التاسـع نجـل = كان مااشوفك بوسط بحوري الظلمـا تهيـم
لاتظن انك تبي تسجل خفوقـي فـي سجـل = ويصير اسمي مع هنادي وحصه وساره وريم
لايهوب صوب عقلي شاربـك كانـك رجـل = وابتعد لا والله الا تجيـك كلمـه بالصميـم
بقلم فاطمـه الجعفري
ــــــــــــــــــــــــــــــــــــــــــــــــــ ـــــــــــــــــــــ
الاخت العزيزه الفاضله
فاطمه الجعفري
صح لسانك على هذه القصيده الرائعه والجزله
بماتعنيه الكلمه لقد عانقتي الابداع والروعه
والنعم فيك وفي ابوك وربعك لاهنتي
لك تحياتي واحترامي
28/02/09, (03:27 PM)
رد: ايه انثى لكن افضل من 800 رجل ** بنت ماترضى الغلط وابوي رجال ٍ كريم
العرض المتطور
