مثل احتمال الغصن للريح بالبرد

[سعود المسعودي]

المشاركة الأصلية كتبت بواسطة عبدالعزيز العدواني

مثل احتمال الغصن للريـح بالبـرد = ومثل انكسـاره بالزمـان انكسـاري
ومثل الصويب اللي بوقته حمى الحرد = واليـوم طايـح تقتفيـه الضـواري
ومثل الغريب اللي مع ايامـه الجـرد = مع غربته تطـري عليـه الطـواري
ومثل القصيد اللي بلغ ذروة السـرد = من دون تصوير وبه الوجـد عـاري
ومثل الربيع اللـي نباتـه بـلا ورد = في فيضتن مـن شافهـا باحتيـاري
هذا أنا والنفس تتعـب مـن الطـرد = مـادام طـردي للزمـان اختيـاري
ياقلبي العب ضومنه واتـرك النـرد = وان كان ماتلعـب تـراك انتحـاري
بانت وجيه(ن) من خنا فعلهـا مـرد = والمشكلـه زادو علينـا الحصـاري
و سرت بي ايامي مع افكاري الشرد = ما عاد اعرف اللي يميـن ويسـاري
يمين بشمرقر وشيعـه مـع الكـرد = ويسار قـوات الحـرس والطـواري
بقرا عليهم مـا تيسـر مـن الـورد = وان كانهـا بالـدار فـالـدار داري
صورة غزال ودونها صـورة القـرد = غابه وضاعت بيـن ذيـك البـراري
راح القديم ولا بقى به مـن الخـرد = إلا علايـق جودتـهـا الـخـزاري
ليل الشتا عانق مع امواجه الصـرد = ثورة براكين(ن) زمت فـي مـداري
والوقت خنجر وان تحول غـدا فـرد = وفي كل حالـه فيـه تـزداد نـاري
مابه جديد الا مـن القيـض للبـرد = يزيد خوفي مـن شديـد انكسـاري

صح لسانك قصيدة في قمة الابداع

لله درك ودر تواصلك العذب