اكتب كلمه واللي بعدك يعبر ببيت شعر - الصفحة 26 - °~*¤®§(§ شبـــكة ويــلان العـربـيـه §)§®¤*~ˆ°

**فهد السلقاوي** · 30/03/09, (09:14 PM)

لواحد لقبه ذيب السلقا

**جبار بن عابر** · 31/03/09, (08:19 AM)

شـــــــــــكرا لك

والواقــع كان هدفي اننا نحــط اسم الشاعر سوى لنا او لغيرنا , حفظ للحقوق .

شاكرا لك لطفك .

ومايحتاج السلقا كلهــــــم ذياب بدون قصور بالجميع . الف نعم .

نرجـــــــــــــــع لمحـــور موضوعنا .......من كتاباتــي

خفي صوري ياالحـبيـبه عن الـناس = وامانـتـك.. بالله لا تحرقيــها

حطي القصائد والرسايل بقرطاس= وفي باطــن الارض الخفي ادفنيها

مطلــــوب فضــلا عن ... العافيـــه

**فهد السلقاوي** · 31/03/09, (08:52 PM)

هذي قصيده اهداء مني لك اخي العزيز يزن العلا

الله من همن ذبحني وانا حي

قطع عروق القلب من قو باسه

من حر فرقا واحدن فيه مبلي

في وصط قلبي له مقر ورئاسه

القصيده لي انا ذيب السلقا

**جبار بن عابر** · 01/04/09, (11:36 AM)

ياســـــــلام عليك ..صح لسانك .

تصدق كنت شاك انه انت ذيب السلقا ,

على كل حال شكراااا لآهدائك , وتفضل ردي مع التحيه

وتستاهل اللقب يالذيب .

الحب نعمه وكل عذابه ماهو شي =ينزاح.. لاحصلت حبك على ساس

وانا الذي عانـيت من مـيسم الكي = وصبرت حتى نـلت جواهر المـاس

وعلى شان مانخرج عن سياق الموضوع

مطلوب عـــــــن / مدينة جده

**فهد السلقاوي** · 01/04/09, (03:15 PM)

جزل بقصيدك وبكل شي واستلم قصيده ثانيه

تمضي علينا ضروف ونعيش بضروف

والله يعلم وش تجيب الصحيفه

بين الرجا والياس والامن والخوف

نركض ورا العيشه وصارت كليفه

هذي قصيده لبوي الله يحفظه

ياريت ترد عليه

**جبار بن عابر** · 02/04/09, (03:34 AM)

اقتباس:

المشاركة الأصلية كتبت بواسطة فهد السلقاوي

جزل بقصيدك وبكل شي واستلم قصيده ثانيه

تمضي علينا ضروف ونعيش بضروف

والله يعلم وش تجيب الصحيفه

بين الرجا والياس والامن والخوف

نركض ورا العيشه وصارت كليفه

هذي قصيده لبوي الله يحفظه

ياريت ترد عليه

ابشـــــــــــــــــــــــر

العمر مهما طال لحظات ويطوف

يارب لاتجعل حياتي كسيفه

اجعل تعبنا تالي العمر مخلوف

وافزع لنا لاجرد الوقت سيفه

عزيزي فــــهد

تحياتي للوالد الله يحفظه , واعتذر ان وجــــد خطاء , لاني كاتب هذه المشاركه الساعه 3,15 فجرا ..

والنوم انا وياه مصارع , وان شاء الله اقاوم حتى اصلي ان شاء الله ..

ارجع واكتب عــــــن جده

كن جده عقبها ماهي بجده = يابـــحر ارجــوك بلغها سلامي

قلها غاليك عقبك باح سده = لا تطيلي بالسفر يموت ضامي

**فهد السلقاوي** · 10/04/09, (01:26 AM)

مافيه غير انا وياك يا يزن

بس هذي كملها

انا مكملها بس انها خاصه

استلم

دلوعتن تمشي على الارض برفوق

سبحانٌّ من كون خلايا جسدها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري