تدري وش اللي يجرح القلب جرحين !!!!! - °~*¤®§(§ شبـــكة ويــلان العـربـيـه §)§®¤*~ˆ°

**لمى القصيم** · 01/05/09, (05:50 AM)

تدري وش اللي يجرح القلب جرحين
ويمد حبـل الحـزن فيـك ويشـده

انك تناظر طفل مـن غيـر ابويـن
يمشي ودمعـه سايـل فـوق خـده

منظر صعيب ويقسم القلـب قسميـن
لا قـام يمسـح دمعـه بكـف يـده

يمشي ولا يدري طريقة علـى ويـن
لين التعب من كثـر مـا تـاه هـده

اثقل حـروف يشيلهـا فيـة حرفيـن
لا أب يـدريـبـة ولا أم تـــرده

في خطوته رحلـة ودمعـة وسكيـن
وحـظ توسـد بالمراسـي مـخـده

جيت اسألـة بالله قللـي ولـد ميـن
وبغي يجاوب وختنـق صـوت رده

أنـا يتيـم ومـا لدربـي عنـاويـن
.وجزر الحزن فينـي يسـاوي لمـده

وطعم الطفولة ما عرفته لهـا لحيـن
وثوب السعادة صـرت مانيـب قـده

ابكي إلى من شفت غيـري سعيديـن
ليـن البكـا فينـي يوصـل لحـده

واقفي ورحت امسح دموعي من العين
وعيني تناظـر دمعتـه فـوق خـده

وهذا اللي يجـرح القلـب جرحيـن
ويمد حبل الحـزن غصـب ويشـده
++++++++++++++++++++++++++++++++++

كلمات جاتني على بريدي الإلكتروني وحبيت اعرف من صاحب هذي الكلمات الرائعة بصراحه عجبتني
ياليت اللي يعرف من صاحب هذي الكلمات يكتب اسمه اكون شاكرة لكم

**عبدالعزيز السعود** · 01/05/09, (04:45 PM)

قصيدة رائعة وانا أضم صوتي لصوت الاخت لمى ياليت اللي يعرف قائلها يخبرنا ..

**شجاع النومسي** · 02/05/09, (02:20 PM)

جاري البحث

تحياتي

**لمى القصيم** · 02/05/09, (11:46 PM)

شكرا لمروركم الطيب

**أبو غرام** · 02/05/09, (11:49 PM)

لا تتململي اختاه

فسياتيك الخبر بحول الله من قبل المشرفين

**حمد الخمعلي** · 03/05/09, (01:34 PM)

جااااااري البحث0

عند الالتقاط سوف يصل الخبر0

**لمى القصيم** · 03/05/09, (10:01 PM)

افا .....
وينكم ياأعضاء المنتدى وياشعاره ..... الى متى جاري البحث>>>>>

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري