يالله

[مصلح النشمي]

يالله ياللي تفرج الهـم والضيـق
تفرج لمن غيظه بنفسـه خنقهـا
افتح لي أبواب الرضا والتوافيـق
ياعازلٍ ليل الدجى عـن شفقهـا
أطلبك عفوك يوم جمع المخاليـق
يوم الآوادم سابحه فـي عرقهـا
ومدققـه كـل الملفـات تدقيـق
طويت صحايفهـا وختـم ورقهـا
وبعد طريقي عن طريق المطافيق
اللي أبليس مـن الآوادم عشقهـا
أهل النمايم فاسديـن الطواريـق
خلايـقٍ ماخافـت اللـي خلقهـا
ناسٍ تكن الحقد وسـط المعاليـق
تظهر محاسنها وتخفـي بهقهـا
تزرع شجرة الحسد وسط الزماليق
على خراب الدار تحمـل فشقهـا
اللي على حش المقفـي مشافيـق
سود القلوب اللي خبيـثٍ رفقهـا
فريس هرج وباللـوازم مدانيـق
معـادنٍ غطـى عليهـا صنقهـا
اللي كذا قصده ومسعـاه تفريـق
كلمـه يصنفهـا وكلمـة لحقهـا
لاتامنه لو صام وصلى التشاريـق
لاتصدقـه لـو الشهـاده نطقهـا
تراه لو عاهـد يبـوق المواثيـق
يظهر رضى نفسه ويخفي حمقها
وليا نصحته صدق النصح تصديق
عينه تناظـر لكـن الأذن صقهـا



حاولت اقتباس الاجمل .. فأتت كلها بيدي


لروعتها ولروعة حمود نايف الهذيل

لله درك اخوي حمود


رائع بكل ماتعنيه كلمة رائع


صح لسااانك مليووون


واعجابي الى اخر قطرات ابداعك


تحياتي لك