أجمل ما قرأتَ في ويلان .. شارك بما عندك من درر .. - الصفحة 12 - °~*¤®§(§ شبـــكة ويــلان العـربـيـه §)§®¤*~ˆ°

**عبدالعزيز السعود** · 07/05/09, (02:16 PM)

يا زمن وش باقي عنـدك مخفـى؟
ليش تعلن حرب وتوجـه قذايـف؟
ما كفاك تقـدم الضيـم المصفـى؟
ولا كفاك العيش في ظلم وكسايف ؟
وش بقا لي من بعد حـب توفـى؟
ما على الدنيا عقب موته حسايـف
كنت اخاف البعد لين البعـد لفـى
وبعدها : ماني من الايام خايـف..
يا زمن بالهون ما سويـت كفـى
ماصبرت ايليـن فرقـت الولايـف
اشهد انه بالرهـن كفـى ووفـى
واشهد اني رحت خسران وعايـف
اسحب اذيـال الهزيمـة ويتشفـى
وذقت مر الغبن من كاس الكلايـف
آه ياوقـت مضـا ياليـت غـفـا
ليت ما وقته مـع الايـام طايـف
لـذة الدنيـا ثوانـي مـا تكفـى
وردة هبت بهـا ريـاح عصايـف
ولمعة شهاب سطع لحظـة وطفـا
وانطوت عني مثل طـي القطايـف
والامانـي زرعهـا قـوس وجفـا
لافهـا مـن لايـف الايـام لايـف
ول ياوقتك ليـا اعطـاك المقفـى
عقب ركب الكور تنـزل للسفايـف
تلتفت عن بعض شانـك واتخفـى
وتترك حقوقك لغيرك ..وانت شايف
والسيوف اللي بها الكيل الموفـى:
اصبحت عصيان ..ورماحي سنايف

الرآئع / خلف الغريب
..

**فهد الشافي** · 07/05/09, (05:04 PM)

صباح الخير .. لا والله .. صباح الثقل يا صغنـن
صباح العنجهيه .. لا تغطرستي علـى أحبابـك

تراه يحق لك سق في .. دلالك غنج .. وتنفّـن
مدام حبيّبك غرقان .. إلى شوشته بأهدابك .. !!

قايد الشريف

**عبدالعزيز السعود** · 07/05/09, (05:31 PM)

لاصـارت الغايـه وسيلـة جنونـي
ما ابغى لهم غايه ولا ابغـى وسيلـه
الفكر .. فكري والهواجيـس لونـي
والصوت .. صوتي مثل ما ابغى اشيله

$$ مزيد المزيد$$

**فهد الشافي** · 08/05/09, (04:55 AM)

يارب مآ غيرك أذا ضقت .. ملجآي
وأيضاً وأنا ( مرتاح ) دوم ألتجي بَه

يارب لا تطرحني .. بـ حضرة إعداي
ويارب أعذني من القهر ، والغليبه

دنيا تخوّف / مادرينا وش الجاي ..؟
دنيا بها أشيــاء جداً .. ( غريبه )

يارب ماغيرك يعرف .. بـ خفاياي
أدعي وأنا أدري صوت عبدك / تجيبه

.
.

**حـــور** · 08/05/09, (05:53 AM)

جيتك ونا كلي امل وانتخي فيك ......................وصديت عني ليتني مانخيتك
كنت احسبك تفرح لياقلت شاريك.....................لكن غرورك ضيعك يوم جيتك
راااااابح

**عبدالعزيز السعود** · 08/05/09, (02:10 PM)

يوقف معاك الكـلام العـذب واتمـه
وينساق سرب الحروف بسحرك ينادي
الورد يفتـن بعطـرك كـل ماتشمـه
ويحسد عليك النسيم الفـل والكـادي

علي السابل ..

**فهد الشافي** · 08/05/09, (03:17 PM)

اعتبرني ذكرى حـلوة ... مرت بدنيـــــاك و عدت
و اعتبرني نسمه طيبه ... في ليالي الصيف هبت
اعتبرني شي و عدى
لا تـــــرجى مني رده
و هذا حظك يا حسافه ... و هذا حظي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري