ابيات شعر وصورة - ضع صورة مع بيت شعر

[معانق الغيم]

على نور الصباح . الجو هادي والمطـر هتّـان
نسيمه عذب واطراف السحاب الغـر تغرينـي

يوديني مع احلى صَبح لاحلى عشق ضْم انسان
الا يارب صبّـح بالغـلا عشقـي ومغلينـي

[معانق الغيم]

أشم ريحة بخورك في طرف ثوبي
واقول هذي بقايا ريحة الغالي
اضمها شوق في صدري واداريها
واشمها...كل ما تخطر على بالي
تبقى معي منك ريحة طيبك وعودك
ريحة بخورك شذاها العذب يحلا لي

[بنت الكحيلا]

عبرت الشط على مودك وخليتك على راسي
كل غطه أحس بالموت وبقوه أشهق أنفاسي
كل هذا وقلت أمرك أحلى من العسل مرك
وين تريد أروح وياك بس لا تجرح إحساسي

[معانق الغيم]

شمس وجبل حالة لقاي وفراقي
اول بشر شفتك وآخر بشر .. أمس
رأس الجبل للشمس أول ملاقي
ورأس الجبل آخر من ايودّع الشمس

[هيـاا العـازمـي]

.
.
.



حنّا بزمن غفلهْ وجفوهْ وتفريقْ
واخلآقْ مِنحلّه وعَالم طليقهْ






تمسّكوا بالعروتينْ آلمواثيق
المُصحف وسنة نبيّ الخليقهْ

[بنت الكحيلا]

واطيري اللي مات وقت الهدادي=وانا اتحرى طلعت سهيل وارجيه
ليته على برقا الجناحين غادي=ولا على ذربين الايمان مهديه
محمد بن دشن الهاجري

[عوض بن خميس]

دخيل البرق.. الى لجلج .. سنا برقه بوسط شفاه
................................ دخيل البرق .. لو حطم غرور الرمز .. و العلة
دخيل عيونك اللي .. تسحر المدفون في مثواه
................................ دخيل الرمش .. لي فل الهدب .. فوق القمر فِلّه
دخيل القد .. و مبدا الصد .. دخيل الحب في لاماه
................................دخيل أحضان ليل تاه .. بين البحر و التلّه
دخيل أحلى القصايد لا لبس .. تاج القصيد أحلاه
................................ دخيل الكلمة .. اللي ترتمي بأحضانها .. جزلة