وفي كافية ((مقهى المنتدى))24\س

[مشاري البواريد]

أبيات عابرة موجهة إلى أحد الأصدقاء .. سعـود

ياسعود انا ماعاد فيني على البوح
إستر على سد السهر لا تبيحـه

الليل همه هم ، وجروحه.. جروح
وانا عيوني دون ما اسهر جريحه

تشفق على هاك البدايات وتنوح
وتنزف من إدموع الغرام الصريحه

هذا الشعر دايم به الحب مفضوح
وياسعود تدري بالمحبه ، فضيحه

هاك القصيدة وإكفني ذلة البوح
انا دخيلك ، لا تثير القريحه

[نايف سعد الخمعلي]

ياولد
ياهل البيت
هيييييييييييييييييييه ياعرب
الظاهر مامن احد
بتقهوى واتريح لي شوي واكمل مشواري




ياساتر منهو اللي مكسر الفناجيل
هذا اكيد من طقطقة الفناجيل بالدله
اييييييييييه
سلمت ياحايف الفنجال................تسلم يمينه ومن جابه

[احساس قلم]

هلا وغلا
مشاري صح لسانكـ
ابو غرام ونايف نورتو المقهى
يمال العافيه
<<<اسحبت لها كرسى واخذت كوب قهوه تركيه بالبندق
واخذت ورقه وجدتها مرميه
(في قلبي الف خنجر يطعنه وفي عيني الف دمعه حايره
من جور الايام وقسوة الاهل والاحباب \\..
ياقلبي من ذالذي سيحيكـ بعد ان مت واصبحت رمااااااد
آآآآه مااقساكـ ايته الحياة

[نايف سعد الخمعلي]

يامرحبا
احساس
غيري الدله تراها بردت
برووح مشوار صغير وارجع اتقهوى

[مشاري البواريد]

من سبق لبق عطيني الدلة انـا نايف شكله ماهو جاي :-)

< يآخذ له فنجال قهوه ويرتجل بيتين

أبريت حالي جفا وجحود
وشفيك ماترفق بحالي

اللي معك ماوراهم فود
خلك معي دامك الغالي


هيضتنا للهجيني يانايف

[مشاري البواريد]

الا أبو غرام وينه ؟

< فاقده

[أبو غرام]

المشاركة الأصلية كتبت بواسطة مشاري البواريد

الا أبو غرام وينه ؟

< فاقده

ابو غرام شافك تهيضت وقصدت

قام وتهيض وجا يبي يطلّع الورقه من مخباته ونشبت يده بالمخبى

^_^

هههههههههه

كان مسوي مزحه مع واحد من اخوياه ونسى انه حط الصمع بمخباته

بعد الانتهاء من المقلب

اثااااااااري الصمغ لا صار مفتوح ينزل يالربع على المخبى ؟ :d

هههههههههه

اصبر بطلّع الابيات والمتهيضه

خذها كما جات يالعشير : _

الحال ماهي مثلها اول كما الحال

دارت عليها اوقات قشرى اقلبتها

تلعب بها من جال لجال لجال

امور صعبه ماسبق وعرفتها

لو عندها من غيب الايام الاقوال

ماتقترب للنار حتى حطبتها

مار العزا لاذقت من وقتك اهوال

نضره سريعه بحال ناس اخلفتها

تصغر بعينك بعدها كل الافعال

حتى ليالي الهم نفسك رضتها

دام الدهر ماينفع الحال لا مال

ماينفعك كثرة شكاوي لهدتها

وسلامتكم