|~ آكيد آنك على ..×غفله×.. نسيت وجبت لي سيرة..]! - °~*¤®§(§ شبـــكة ويــلان العـربـيـه §)§®¤*~ˆ°

**ساميه العنزي** · 18/09/09, (02:34 AM)

آبيآت × رآقت× لي وحبيت آطرحهآ لكم../

أكيد انك على غفله نسيت وجبت لي سيرة!!
أو إني ما عرفت أعلمك وشلون تنساني !!

كثر ما كنت أشوف إن المفارق ضيقه ..وحيرة
كثر ما كنت أحس إنك ولهت ..وجاك ماجاني

أعرف الحب الأول ما يموت .. وما يجي غيره
وأعرفك كل ما يطري عليك القرب ..تلقاني

أجل ما قلت لك ؟.:ساعه معك تسوالها ديره
علامك تزرع الغيبة قصيد وتحصد أحزاني

تغيب وما تبيني أطوي الدرب ومشاويره
وأنا لولاك ماكان القصيد يحرك أشجاني

إذا ماكل شاعر يكتب إلهامه وتفكيره
تعال إكتبني في دفتر حياتك ..وأعزف ألحاني

حبيبي والطعون اللي تجي من خنجرك ..خيره
لان الجرح يأخذ هيبته من هيبة الجاني

تعبت وكل ذنب بغيبتك ماتت معاذيره
مثل ما كنت مسرف بالعطايا ..وأنت حرماني

تخيل حتى لو قلبي بديت أشعر بتقصيره
أدور لك بداله قلب يعطي والعمر فاني

لو إنك تفهم إحساس الغلا وشلون تأثيره
فهمت شلون ما شوفك ..وأجيب أسمك على لساني

تصدق عاد ..أنا والشوق والإحساس والغيره
جلسنا كل واحد يشكي غيابك على الثاني

أقولك شي ..وماتزعل علي..وتفضها سيره
أنا آسفـــ .. نسيت أعلمك وشلون تنساني

**لمى القصيم** · 19/09/09, (12:51 AM)

يعطيك العافيه ياسوسو على الابيات رعوعه تقبلي مروري

**سليمان الجعفري** · 24/09/09, (11:26 AM)

ساميه العنزي

الله يعطيك الف عافيه

نقل مميز وراااائع لاهنتي

**حمد الخمعلي** · 27/09/09, (01:15 PM)

ساميه العنزي0

اختيار جميل وموفق0

بنتظار الاجمل0

تقديري

**سالم صالح** · 27/09/09, (10:01 PM)

سامية االعنزي

اختيار موفق ورائع

الله لايهينك وبالتوفيق

تقبلي تقديري

**أبو غرام** · 29/09/09, (11:24 AM)

ابيات جد جميله وراقيه اختاه باختياراتك

دمتي بود

**عوض بن خميس** · 29/09/09, (02:32 PM)

ساميه العنزي0
نقل اكثر من رائع ذائقة متفردة فى الابداع
شكرا على هذا النقل.. واهلا بك بيننا اخت عزيزة
تحياتى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري