يقــولـون الـرجـال ( عـيــون الــرجـال حــراب )

[منصور الرويلي]

يقولون عند المواجه (عيون الرجال حراب) = وأنا عشقي لنظراتن يشرفني مشاهدها
أجي كلي لها عاشق وأدوّر للقبال أسباب = على نية وفا صادق على الموقف معاهدها
واذا هابوا لقا الموقف أجي له صاملاً ماهاب = شجاعٍ أمشي الخطوه من أدناها الى أبعدها

.

يقولون الرجال ( عيون الرجال حراب ) = وأنا لي نظرةٍ تقرأ نظرهم قبل يقراني
قريت بنظرة الساخر .. قريت بنظرة الاعجاب = وتهجّيت بنظر شاعر مشاعر نبض وجداني
من أول مابديت ألمح عيونٍ باللقا ترتاب = عرفت الخوف وش يعني ؟ وهذا سر رباني
كتمت البوح في صمتي مشاريه وغلا وعتاب = هجيت الحرف يمدحني .. مدحت الحرف يهجاني
وأذا للمحبه سبب .. ؟ أنا حبي بدون أسباب = أنا عشقي نزيف الجرح ولاعرف منهو الجاني
أحس بخافقي صرخه تزلزل من صداها هضاب =وأخاف أبوح لاصحابي قبل يدرون عـدواني
تعبت أمــيّـز العالم من الصادق ؟ من الكذاب = وصدِْمت بواقعٍ قاسي قتل حلمي وتحناني
أجيه بصادق النيه : أجيه ولا حسبت حساب = وعمري ماحسبت حساب دربي وين وداني
دخيلك يازمن أرحم .. دخيلك يازمن منصاب = ضِْحك منك الغبي مُعجب وضّحكه منك بكــّـاني
غريبه يازمن أمرك ؟ تفرقنا وحنا أقراب = تغربنا .. وتبعدنا .. وكلن يكرة الثاني !
وأنا كلي فدى النظره من الحاجب الى الاهداب = فديتك ياأمل عمري ؟ فداك الشعر وأشجاني

.

.