** طــــــير البـــــــــعـاد **

[احساس قلم]

المشاركة الأصلية كتبت بواسطة سالم صالح

كل عام وانتم بصحة وعافية


ابيات متواضعة اضعها بين ايديكم وكلي امل ان تحوز على رضاكم وترتقي الى ذائقتكم الراقية

ياشينها لاشفت حبك مع الغير=وردة حياتك ساكنه في حياته
يقطف من ازهار الحديقة نواوير=ويشم عطرٍ باقيٍ في سباته
وانتَ على حر الجمر والتفاكير=مابين اهات الزمان وعصاته
تعزف على لحن الالم بالمزامير=ويردد الاحساس فيكم عزاته
هذا انا والقلب والثالث يذير=طير البعاد اللي يرفرف شتاته
كني غريقٍ في وسط جمة البير=يرجي السلامة مير قرب مماته
ياشينها واجد على قلبي تغير=غارت رماح البعد هزت ثباته
ينزف وجع مع ويل واصوات تزفير=وتسمع شراييني تردد نعاته
مالي على نفسي جلادة وتفسير=سلمتها مابين دورة رحاته
اسوج رجلي للفضاء ودي اطير=وابعد عن عيون البشر والشماته
اضيق والضيقة تجي حزة عصير=الين مايومي تقوبع عباته
يوم الخميس اللي على القلب تعزير=قطع عروق الجسم بيّن خفاته
كله غلا لعيون شيخ الغنادير=اللي خذا قلبي وثبت غلاته
حتى نهب عقلي وانا اشوفه يسير=اتبع خطى وده واتابع خطاته
يومه مشى حكم القدر لازم يصير=والدمع وادع مع دموعي وصاته
مبروك ياحبي عسى ايامك بخير=وجعل السعادة ضحكتك هي نباته
باقي على عهد الوفاء خذ تقارير=من قلبي اللي مايغير صفاته
واذا بغيت اثار حبك بتصوير=هذا ترى جسمي وباقي رفاته

وسلالالالالامتكم

سالم صاااااااااالح رائعه بكل ماتحمل هذه الكلمه
من اول بيت فيها الى اخر بيت
تحمل بين اسطرهااا معناااااااه
ترجمة باأروع الكلمات
تحية تقدير لك
استاذي الكريم
دمت دوماا بخير

[سعود العواجي]

اخي / سالم صالح


صح لسانك لجمال حرفك وروعة اسلوبك في كتابة القصيده


دمت بخير

[ماجد الغانم]

الأخ الغالي

والشاعر الرائع

سالم صالح

لله درك على هذا الأحساس الراااقي


نص يفوق الوصف


وحضور مميز كالعادة

دمت بكل خير ...ودام هذا التميز

تقبل جل تقديري واحتراامي

[هندي المقبل]

الشاعر سالم صالح

حيالله هالطله الحلوه بهذه الباذخه الشعريه

صح لسانك وتقبل اعجابي الشديد بما تكتب

[سالم صالح]

الشاعر الرائع والاخ العزيز



سعد النفج


صح الله بدنك ومرور له طابع خاص في نفسي لاعدمتك يالذيب


وشهادة من شاعر يعرف طريق الابداع ويعتلي قمته


تقبل تقديري وودي

[الخاطر]

المشاركة الأصلية كتبت بواسطة سالم صالح

كل عام وانتم بصحة وعافية


ابيات متواضعة اضعها بين ايديكم وكلي امل ان تحوز على رضاكم وترتقي الى ذائقتكم الراقية

ياشينها لاشفت حبك مع الغير=وردة حياتك ساكنه في حياته
يقطف من ازهار الحديقة نواوير=ويشم عطرٍ باقيٍ في سباته
وانتَ على حر الجمر والتفاكير=مابين اهات الزمان وعصاته
تعزف على لحن الالم بالمزامير=ويردد الاحساس فيكم عزاته
هذا انا والقلب والثالث يذير=طير البعاد اللي يرفرف شتاته
كني غريقٍ في وسط جمة البير=يرجي السلامة مير قرب مماته
ياشينها واجد على قلبي تغير=غارت رماح البعد هزت ثباته
ينزف وجع مع ويل واصوات تزفير=وتسمع شراييني تردد نعاته
مالي على نفسي جلادة وتفسير=سلمتها مابين دورة رحاته
اسوج رجلي للفضاء ودي اطير=وابعد عن عيون البشر والشماته
اضيق والضيقة تجي حزة عصير=الين مايومي تقوبع عباته
يوم الخميس اللي على القلب تعزير=قطع عروق الجسم بيّن خفاته
كله غلا لعيون شيخ الغنادير=اللي خذا قلبي وثبت غلاته
حتى نهب عقلي وانا اشوفه يسير=اتبع خطى وده واتابع خطاته
يومه مشى حكم القدر لازم يصير=والدمع وادع مع دموعي وصاته
مبروك ياحبي عسى ايامك بخير=وجعل السعادة ضحكتك هي نباته
باقي على عهد الوفاء خذ تقارير=من قلبي اللي مايغير صفاته
واذا بغيت اثار حبك بتصوير=هذا ترى جسمي وباقي رفاته

وسلالالالالامتكم

الله الله الله.
الله ياسالم.
وربي انك مبدع.
ياسلام ياسلام على هذا النص.
ياهو موجع جدا الى حد الجنون من الالم.
فراق رغم المحبه ومااصعب هذا الفراق.
لكن رغم كل هذا الالم كم هو جميل هذا الوفاء وتمني السعاده لمن تحب وانت على ماكنت عليه من المحبه فهي باقيه كذلك.
ياسلام ياسالم ياسلام.
مبدع وسجل اعجابي بهذا القلم.
اخوك محمد العنزي.

[مشاري بن فالح]

ياشينها لاشفت حبـك مـع الغيـر
..................... وردة حياتك ساكنـه فـي حياتـه
بس هالبيت له زلزال ...

صح الله لسانك
واعتلا شانك
لاهنت على الجزاله

شكرا لك

:

: