صدر الايام

[البدر]

المشاركة الأصلية كتبت بواسطة عبدالعزيز العدواني

تكسر المرسى على صدر الايام = واختل ركنه والبقى في مباديه
حمله ثقيل وحظه الزين ما قام = وتقطعت من حر مابه عراويه
من عاش بالحيله توطته الاقدام = ومن عاشر الانذال يغتال صافيه
ومن جاوب المخطي على الظلم ينضام = ومن ما فعل ما حرك الناس طاريه
يشوم من لا يطلب الحق يا شام = عن هرج من هرجه على الشين يدعيه
لو توزن الشيمه مثل وزن الاجسام = ما ينخدع من راس ماله عوانيه
ولو كل ما نخفيه تشرحه الاقلام = ما صاح من سره عن الناس مخفيه
ولو كل هقوه صافحت كف الارقام = ما ينصدم من عاش عمره مشاريه
ولو شحت الدمعه على خد الايتام = ما جاوبت بسكات من غاب غاليه
تبقى المعالم غايبه دون الاحلام = ويبقى الألم في صدر الايام نشكيه

هذه القصيده غريبه كعادتك ياعبدالعزيز ما احصل فيها بيت واحد اقتبسه بالرد

.
.
.
.
.

قريتها ثلاث مرات وكل مره اختار كل القصيده .... هى كعقد الالماس بجمالها وحكمتها

شكرا مليون مره ياعبدالعزيز