الشعر ما هو عبث يا اهل الكلام الغبي= الشعر ذوق و عذوق ٍ نقطف من عنبه

[حمد الخمعلي]

المشاركة الأصلية كتبت بواسطة سعد النفج

عندي طلب قبل ما تقرا و هاك طلبي=من قبل ما تمدح القيفان نقدك جبه
ماني مجمّع تفاهت حرفي بمكتبي=بكره يقولون ربعي يا ردا مكتبه
من قبلها كل ما حاولت فتل شنبي = قالو قليل السنع .. صغير ! وين شنبه
و انا مواليد الاربع و القصيد يهبي =ان كان ما جاء بوسط الكاس لجل اشربه
ابشربه لين من شربه يخيب تعبي= و لين يتمثنا بصدري و انتهض و اكتبه
واشب نار القصايد و اسحب من حطبي=على هواي اقترب يمّ الحطب و اسحبه
اشعم بيوت القصايد .. يا بيوت ارحبي=ترادفي بالورق و انا عليّ انتبه
عليّ اراعي مواطيّه و اشوف عتبي = يوم ان بعض العرب ما ينتبه لعتبه
يسبيه وحْل المواضيع الكئيبه سبي = ما يرتقي للنجاح .. و للنجاح سببه
وش لي بتأييد علماني و سلْم اجنبي = وش لي بسب الرجل و ملاعن لمنسبه
وش لي اواخذ ضعيف النفس و المذهبي =انا على مذهبي و اصد عن مذهبه
الشعر ما هو عبث يا اهل الكلام الغبي= الشعر ذوق و عذوق ٍ نقطف من عنبه
إلا القصيد الحديث المبهم اللولبي =ليا دق ناقوسه اذني كيف ابستوعبه
رمزية الشاعر اللي ما فهم وش يبي =و شلون ابفهم معانيها و هي تتعبه
لا والله الا عليها ما ثنيت ركبي = غير القصايد يدوّر شي ٍ يناسبه
خلوني من القصيد اللي يثير غضبي = كل ٍ بعيره على ما يشتهي يشعبه

الاخ سعد

الشعر ليس له عمر معين وهنااك كباار في السن مايرويك شعراً ولامعنى ولا جزااله0

وهنااك من هم اصغر بالعمر وعندما تسمع له قصيده او تقرأها تطربك ويجبرك على متابعته0

وجميع ماذكرته هو عين الصوااب لمن هم يستخدمون الشعر سب وشتائم للاخرين0

الشعر ليس للسب00000؟

الشعر معالجة مواضيع داخل المجتمع فكم من قضيه حلهاا ولامس بهاا الآخرين0



الاخ سع النفج

صح لساانك وسلم قلبك0

وأنت شاعر لايختلف عليك اثنين0

وانا اعتبر شهاادتي فيك مجروووحه0

ارجو منك العذر على الرد الذي لايوفي القصيده حقهااا0

كُن بخير