الجرح عقبه "جرح" والقلب صندوق
....................لجروحك اللي تقتل الحب بشويش
ماكنت اصدق موت الاحساس والشوق
..................الين ماماتوا..وهم في رجا العيش
كنت اعشق الاحلام.. واطالع لفوق
...............كنت احسب ان الحب انعم من الريش
كنت اتنرفز من خطاياك ..واروق
.................كنت ادمح الزلات من دون..تفتيش
اتسوق لي جيش الزلل..دون ماتفيق
...............ومن العفو كم لي وانا اسوق لك جيش
مشكلتي اني ذوق...يافاقد الذوق
.................استقبل جروحك ولا قلت لك ليش؟؟
ماهو بضعف بس..حاسب لك حقوق
...............ياللي تحسب ان اغلب حقوقي الطيش
ماتثمر الاغصان لو ماتت.. عروق
..............وانا وعروق القلب متنا (معاطيش)..!
كم لي؟ اعيش الوقت باحساس مخنوق
................وكم لي اجامل..لاكن اجامل لويش؟؟
والله كن الجرح.. للقلب صندوق..
................من عقب ما كان الغلا وسطه يعيش
03/05/10, (12:47 AM)
رد: { مـوضـوع المليــ 1000000 ـون رد ,. ▒ همتكم ياأعضاءنا الكرام ،،
العرض الشجري