بعضاً من (أنا)احساس (احساس قلم)

[احساس قلم]

وآخذك بيدي !




يالله نمشي !
بس ماشفتي " أحبك " وسط رمشي !!




نامي .. مثل ماينام البرد بـ ضلوعي
............. واصحي بعد مثل ماتصحى ... تناهيدي

ماكان بيدي .. تطيح لـ حزنك دموعي
............. ولاكان بيدي ..أروح .. وتتركك إيدي !

ماقلت لك لو يخاف الخوف من جوعي
............. يمديه يشبع من اللهفة ... بـ أناشيدي

ويمديه يشعل أساي ويطفي شموعي
............. ويمديه يذبح حمامة غنّت .. بـ عيدي

ياشمعة الحب لاجل الحب .. لاتموعي
............. خليني أضوي على نورك .. مواعيدي

منهو يهدّي بعد فرقاك ... من روعي
............. والحزن اشوفه نوى للناس ترديدي !

ياطفلتي جفّ بعد الوصل .. ينبوعي !
............. يزيد همّي ( كفّاني هم ).. لا تزيدي !!

هِنا تعالي ونامي بآآخر ... ضلوعي !
............. بشويش مابي تصحّي بي .. تناهيدي !

وإذا على الحزن والأشواق .. ودموعي !
............. بدفن حبيبك معاهم ..... وآخذك بيدي !

\\..
وغنيتك

وقلت إني أحب !

"إني" ؟ وش الـ إني ؟؟

أنا مالي خيار أصلا !
لجل اختارني / منّي

أنا المجبر على كيفي ..


\\..

والمشكله : رغم محبتـك وغـلاك
.......................................... واني رغم كل شيّ ’’ مشتاق و ابيك ‘‘

ما هوب من حقي يضايقني جفاك
.......................................... ولا آعشقك ولا آلمحك ولا آحتريك !!

لكن ما يخفاني ولا اظـن يخفاك
.......................................... حقي عليك .. انّك ’’ تطمنّي عليك ‘‘ !!

\\..