&& إتــســونامي &&

[خلف سليمان البجيدي]

ألأخ العزيز الشاعر
فواز الزناتي
تحيه طيبه
صح لسانك يالزناتي
وتقبل تحياتي




أبستـفـز البـيـت والقافـيـه
وانعش قصيدي بالحروف الحيـه
.
واركب شياطينـي قبـل تركبنـي
واعسف شياطينـي مـع الجنيـه
.
شاعر واقـدّر هاجسـي والفكـره
لـي منهجيـه مستقـلـه فـيـه
.
ما همني شهـره وقولـة شاعـر
طموحي أرضي روحـي الشعريـه
.
بحر ٍ غزير ولا تصافـق موجـي
يضيع منهـو نـاوي ٍ لـي نيـه
.
زلزال شعـري كنّـه إتسونامـي
هز البشـر والكـوره الأرضيـه
.
مهما أكـن سلبـي أنـا إيجابـي
مـن منطـق إيجابيـة السلبيـه
.
مزحي تشوفه تحسب إنـه جـدي
وشلون لـو وريتـك الجديـه ؟!!
.
يعني لو إنه بـوش طـاح بيـدّي
مافكـتـه قــوات ٍ أمريـكـيـه
.
إن فـزّع ربوعـه أفـزّع ربعـي
ربعي هل الحـرب وهـل الدحيـه
.
ضارين للدحّات واسـأل كسـرى
يـوم الأميـره جاتـنـا مبلـيـه
.
من لابة ٍ باسـم الظفـر معروفـه
محنـا بلعبـة طـاق يـا طاقيـه
.
ومافيه داع إنـي أوضّـح أكثـر
دام المعـزّه والـوفـى مـاريـه
.
وللحين ماخشيت فـي موضوعـي
هـذا فقـط تعريـف بالشخصيـه
.
موضوعي نقطه سبّبت في ضعفي
نقطـه ولكـن تعتـبـر فعلـيـه
.
هذاك لامن بـس نـادوا باسمـه
فزّيـت كـن بـي أزمـة ٍ قلبيـه
.
لاشفت كيف الزين بـه متعنصـر
تطـري علـيّ الثـوره القوميـه
.
بـه منهجيـة هتلـر المتغطـرس
وبـه فلسفـة أرسطـو الفكريـه
.
إليـا تكلـم فـي كلامـه بــارع
مثل إمتحدث فـي جهـه رسميـه
.
أموت وأحيا بس أسمـع صوتـه
وأذوب مـع بحّاتـه الصوتـيـه
.
من عطره إستخلاص ريح الجوري
يعني بدونـه مـا بقـت جوريـه
.
إن كان سوّى ( هه ) بس بشالـه
سـوق العطـور ايطيـح للربيـه
.
الـورد كلّـه يتضـح بشفـاتـه
لبّـا هذيـك الشـفّـه الـورديـه
.
الليل لونـه يرتـوي مـن عينـه
فديـت لـون عيونـه الحَوريـه
.
شعره مفاهيـم الشمـوخ الذاتـي
يبيـن مـع وقفاتـه السحـريـه
.
من نور وجهه ما قـدرت أشوفـه
لازم معـي نـظـارة ٍ شمسـيـه
.
حكم ٍ حكمني فيه مدري شلونـه؟!
لاهـو بشـرع ولا ديموقراطيـه
.
مجنـون فينـي وايتحلّـف فينـي
والله لتبطـي تنـطـر الحـريـه
.
أحفيت رجلي بـس فـي حارتهـم
من كثر روحاتـي وكثـر الجيـه
.
وان كان صوّت يا غلاي إقرب لي
هاتـو لـي الإسعـاف والدوريـه