اوّااااه

[جمال اللميع]

السلام عليكم ورحمة الله وبركاته





بعد طول غياااااااااااااااااب جيت مشتااااااااااااااق واقبلو مني :

اواه ياصبر(ن) على الوقت صابره =وقت(ن) عطاني وين مارحت صابره
قفّا وخلا دمعتي في مكانها =لاهو مسح دمعي ولاهوب قابره
مديت كفّي قلت عطني دقايقك =والا ثواني من ثوانيك عابره
خلفه انا وارجيه يالوقت هاتني =عطني جمال اللي من العام خابره
عطني جمال اللي من العام مهتني=يهيم في دو(ن)عليّه منابره
اللي حدوده مالها حد لامشا=واليوم وش بك ياملا الخير سابره
جاوب ورد وقال لي دون يلتفت=ماني على بعض المواضيع جابره
حظه تردى ماني لحالي الردي=الطرس طرسه والمحابر محابره
هو هو ولكن هو مهو هو وللاسف=مرت عليه ايام سودا وغابره
قلت انت ويا الحظ سبّة مصيبته =انت الذي قطع مع الحظ دابره

[ماجد الغانم]

حياك الله شاعرنا القدير

جمال اللميع

وصح لساانك ..ولاهنت

رغم الغياب الا انك اتيت بمايشفع لك بهذا النص الرائع
وبإنتظار المزيد من الابداع

دمت بكل خير ودام هذا التميز

تقبل جل تقديري

[سالم العنزي]

جمال اللميع

الله يحييك وان شاء الله اخر الغياب

صح لسانك على هذه الروعه الشعريه

[سليمان مفضي العنزي]

ونحن نشتاق لمعانقة ابداع شاعر كبير مثل جمال اللميع

صح لسانك على هذه المعزوفه الشعريه ونتمنى ان الغياب مايطول

ياهلا وغلا

[البدر]

جمال اللميع

صح لسانك وحضور جميل بعد غياب طويل

كل الرجاء فيك بأن لايطول هذا الغياب

[مازن الفهد]

صح لسانك نص جميل و اعجبني كثير شاعرنا جمال

[خلف الغريب]

صح لسانك اخوي جمال وحضور مغلف بالجمال رغم ما يكتنفه من حزن ..

شكرا لك ولحضورك الشعري