من راس عود يغازل الشاذليه

[مصلح النشمي]

المشاركة الأصلية كتبت بواسطة عبيد الله مهل الشملاني

أخواني واخواتي أعضاء وزوار شبكة ويلان العربية إليكم هذه القصيده

وهي حصرياً لهذا المنتدى الشامخ بادارته واعضاؤه

مني تحية للإدارة وزوار = وجميع الأعضاء بمنتدى الوايلية
تحية الوالد بوليدة البار = من راس عود يغازل الشاذلية
مزعفر فنجالها مثل الأزهار = أزهار صفراء في دكاك برقية
وقت الربيع اللي تقافت به أمطار = أرضه قفر عن الغنم والمطية
من المنظر الخلاب تاقف وتحتار = نفحات ربي بالفياض العذية
والمنتدى واللي دخل به لهم كار = القارحة والجهد مني هدية
للي بشاش النت بالليل سمار =الساهرة واللي بقوا سمهرية
يسطرون إبداع في ذوق وعيار = بعيد عن طرح الخزى والأذية
مثل الذهب اليا لمس لهبة النار = مشاركات كلها جوهرية
نطقة دريل وفي معانية مسمار = والكهرباء عشرين واثنين مية
باختار منها شي وشلون باختار =أبنسجم مع ذيك وارجع لذية
الاعب الماوس من الطار للطار= واللوحة اللي روحت سمسمية
صارت عليها أصابعي تقل منقار= وتمسحت الأحرف الأبجدية
بس أتنقل من مقالات لاشعار = والالغاز تهدف بالمعاني غنية
دق التوازن يازن السفن ببحار = الله وثم الدقة الهندسية
واللي حسب بالساس تعداد الأدوار= المملكة برهان والفيصلية

الله الله الله عليك اخوي عبدالله


صح لساااااااااااانك ملياااااااااااااار وسلم بنانك ونبضك


ماقصرت يابعدي وبيض الله وجهك


ومليووون نعم فيك



تحياتي لك