(مرثيه) فهيد بن مطلق الرشدان

[مشهور الرشدان]

الله الرحمن الرحيم

السلام عليكم ورحمة الله وبركاته

هذه القصيده في المغفور له بـ اذن الله تعالى خالي فهيد بن مطلق الرشدان

اللهم اغفر له وارحمه وعافه واعفؤ عنه ونقه من الخطاياء كما ينقى الثوب الابيض من الدنس

يالله ياللي رحمتك مالها حدود=ترحم عزيزاً كل ابونا فقدناه
فهيد بن مطلق راع الطيب والجود =الصدق دربه والوفاء من مزاياه
بالامس مع ربعه يسولف وموجود =واليوم من تحت الثراء صار مبنااه
قضى عليه الموت في يوم موعود =هذا قدر ربي وحــنا رضــينــاه
يارب تغفر زلته وانت معبود =وتغفر ذنوبه كلها مع خطاياه
وتعظم اجر اهله بعد صار مفقود =وتلبسهم ثياب الصبر والمعافاه
الموت حق وماله صكوك وعهود =والعبد يمشي بامر ربه ومولاه
كم من صغيراً توه الصبح مولود =وبالليل يصبح واحداً من ضحاياه
كل العباد تصير بقبور ولحوود =مافيه فرق العرق والنسل والجااه
وفهيد مات وصارت افكاري حشود =يالله عسى رحمتك يارب تغشااه
نبكيك ياخالي ونبقى لك شهود =والقلب من بعدك همومه تغطااه
ندعي لك المولى عسى حظك يزود =في عالي الفردوس والخير تلقااه
وتعطر انفاسك من المسك والعود=وتروي عطش روحك من الكوثر وماه
يالله ياللي تجري الريح والنود =ترحم فهيد وبجنه الخلد ترضاه

مشهور الهويدي

[حمد الضوّي]

مشهور الرشدان


أحسن الله عزائك في خالك / فهيد بن مطلق الرشدان

الله يرحمه رحمة واسعه وينزله في الفردوس الأعلى من الجنه

ويسكنه فسيح جناته إنه سميع ٍ مجيب

وصح لسانك على هذه المرثيه الطيبه

أكرر أحسن الله عزئك في خالك والبقاء براسك طال عمرك




محبكم / حمد الضوّي

[سليمان مفضي العنزي]

احسن الله عزاك وغفر الله للفقيد واسكنه فسيح الجنان

انا لله وانا اليه راجعون

صح لسانك يامشهور

[فايز الفايز]

الله يغفر له ويرحمه

صح لسانك يامشهور

وكلمات طالعه من القلب

دمت بخير

[مشهور الرشدان]

حمد الضوي درع عنزه

الله يجزاك خير والله يبيض وجهك وصح بدنك استاذي الكريم
شاكر تشريفك ومؤاساتك

[محمد بن موسى]

مشهور الرشدان

أحسن الله عزائك في خالك / فهيد بن مطلق الرشدان

الله يرحمه رحمة واسعه وينزله في الفردوس الأعلى من الجنه

ويسكنه فسيح جناته إنه سميع ٍ مجيب

وصح لسانك على هذه المرثيه

[مشهور الرشدان]

سليمان مفضي العنزي

الله يجزاك خير والله يعظم اجرنا واجرك صح بدنك وشاكر تشريفك