غـــربة مشـــاعر

[حمد الضوّي]

المشاركة الأصلية كتبت بواسطة احمد الضوي

السلام عليكم ورحمه الله وبركاته
اتمنى,,,,ان تنال اعجابكم.....

فاض الخفوق وحول الصمت لجهار=البوح حان وكل حاجز كسرته
صفحة عذاب بداخلي والزمن جار=والفرح مات وفي يميني قبرته
فرقى الامل اودع حياتي للاخطار=والياس زاد وطال حزن(ن)قهرته
اساير الدنيا وتمشيبي اقدار=تبعد طموح(ن)قدم عيني نظرته
ايه اقترب من واقعي بضعه امتار=ويزفني ريح الشقا ماقدرته
حلمي بعيد وبيني وبينه ديار=والحظ الاقشر صوب حلمي جبرته
اطيح واقف وانثني بس ماانهار=يبقى شموخي كل ماسمي ذكرته
شربت من كاس الالم مر الامرار=وادمنت شرب الكاس حتى سكرته
دربي عتيم وغامض(ن)فيه الاسرار=تايه ولا ادري وين دربي عبرته
الحظ عاثر والشقا صار مدرار=طالت متاهاتي بليل(ن) سهرته
اتصنع الفرحه وانا حزني شعار=يبين في وجهي كلام(ن)سترته
ضؤ الامل لاقبلت له خلفي اندار=وارجع ويرجع ليتني مانتظرته
حلمي تلاشى والسهر صار مشوار=فيه ابتدي رحلة عذاب(ن)خبرته
غربه مشاعر والحنايا لها اسوار=بين الضلوع العوج هم(ن)اسرته

أحمد الضوي





صح لسانك ملايين قصيده رائعه

أجبرتني على قراءتها من أول بيت لآخر بيت

شاعر مميز يا أحمد لله درّك



تحياتي





محبكم/ حمد الضوّي