غرات الاجواد.......

[عناد الغريب]

اخواني واخواتي في شبكة ويلان

السلام عليكم ورحمة الله وبركاته

لم اجد العذر السمين لغيابي عنكم ولكن كلي امل ان تعذروني لثقتي بنقاء قلوبكم

واليكم هذه المتواضعه ولو موضوعها مايناسب بداية العوده لكم الا انها اخر ماكتبت واول ظهور لها هنا بينكم اتمنى ان تجد الرضى والقبول منكم:

يامن سمعت انه فرط طابلونه=في مجلس النمه وترسيخ الاحقاد
ارخو له اطراف الرسن يتّلونه=ثورن يحرث البيد يتليه حصاد
كب الصحيح وجاب مايشتهونه=لين انبسط عم الردى واكل الزاد
على العزايم بس يومي زبونه=اول مايقلط هو واخر من يقاد
وليا غسل يمناه سوّك سنونه=ثم ارتكى كنه على رقم نقّاد
هذاك فيه وفيه يا شين لونه=وهذاك مدري كيف صارو له اولاد
وهذاك ربعه كيف هم يقبلونه=يمشي بالارض تقول يمشي بالاكباد
هذا كلامه والهتش يسمعونه=يفرغ شباعاته معلق وقصاد
اما انا لو وصّل اللي يبونه=ماني عن مقوس الهرابيد نشاّد
شبحي على الطاله تعلت متونه=يوم ان شبحه حول غرات الاجواد
لي ماكراً يبطون ما يا صلونه=وتكرم مواكيري عن افواه الاوغاد
دورت شئ اخافهم يلقطونه=اما خطا مقصود اوكبوة اجواد
ولقيت شيئن والعرب يعرفونه=ماعيب الطيّب على دور الاجداد
ماغير(فقر)وعزة النفس دونه=مامن مداخيلن على سيرة عناد

[بدرفهد الجعفري]

عناد الغريب

شكرا شاعرنا الجميل على هذا الحضور المميز كالعاده ابدعت في ماكتبت .. لا املك الكثير من الكلامات لتفي هذه الشامخه حقها .. فقط اسجل اعجابي واقول لك صح لسانك

[خلف الغريب]

صح لسانك يا عناد والحمد لله على سلامتك والحقيقة ان غيابك ملفت للنظر ولكن شكرا لهم ان جعلوك تكتب هذه القصيدة وتسجل دخولك في ويلان ..

ونعم فيك يا ابن العم وهؤلاء لا ينبغي لك مجرد الالتفات لهم فأنت تكافؤهم بالتفكير فيهم وقديما قال العربي :

لو كل كلب عوى ألقمته حجرا ... لأصبح الصخر مثقالا بدينار

تحياتي لك اخي عناد الغريب

[محمد بن موسى]

عناد الغريب

ياهلا ومسهلا فيك اخوي

ونورت المنتدى برجوعك والف الحمد لله على السلامه

قصيدة رائعه من شاعر تعودنا من الروعة والابداع في نصوصه ومايقدمه

والجزل مايجيب الا الجزله ياعناد

وللأسف ان هذا الواقع المرير الذي يعيشه بعض ضعاف النفوس

فلا تحلا السوالف الا بأكل لحوم البشر هداهم الله


صح السانك ملايين يالغالي

ادامك الله ياعناد وادام وجودك


تقبل مروري واحترامي


كن بخير

[حمد الخمعلي]

هلا وغلا ويالله حيه0

اخي عنااد هؤلاء لاتنظر لهم ولو بربع عين0

هؤلاء لايستطيعون وصول ماوصل إليه من يتكلمون فيه0

لي ماكراً يبطون ما يـا صلونـه000وتكرم مواكيري عن افواه الاوغاد

كفو كفو كفو0

كُن بخير

[سالم صالح]

الرائع ,,,


عناد الغريب

اولا ياهلا بهالطلة والحقيقة اننا فقدناك وفقدنا ابداعاتك

ثانيا .. لايهمونك فانت فوق مرقاب ولا ترقى الا العاليات


ثالثا.. صح السانك مليار ولاهي غريبة الجزالة عليك


تقديري وودي

[بنت الكحيلا]

حياك الله اخوي عناد الغريب

وصح لسانك على هذه القصيدة الرائعه

وتسلم على البوح الراقي


الله يعطيك العافية