أبيات شعريه تخص مكان مشهور ( الجوله الخامسة) تعال اقلط ,,

[سليمان الجعفري]

بارك الله فيك اخي العزيز/ جلال الدرعان

على الطرح الرااائعه لمعالم من معالم وطننا العزيز وتعريف القاري بها

وتكمله لقصيدة راكان بن حثلين العجمي للقاري العزيز

اما انت اكيد انها لاتخفى عليك
يقول: راكــــان ابن حثلين عندما وصل الى نجد
بعد خروجه من سجن الاتراك بعد ان مكث سبع سنين والدليل قوله:
تباشروا بي عقب سابع ضحيه = وانـا علـيّ ابرك ليالي زماني
يقول راكان :

يا فاطري ذبي خرايم طميـّه
،،،،،،،،،،،،،،، والى اشمخرت مثل خشم الحصاني

ذبـي طميه والفياض العذيه
،،،،،،،،،،،،،،، تنحّـري برزان زيـن المبانـي

سلام اخو نوره لزوم ٍ عليّه
،،،،،،،،،،،،،،، قبل القريب وقبل قاصي وداني

والى قضيت اللازم اللي عليّه
،،،،،،،،،،،،،،، اللازم اللـي ما قضاه الهداني

الجدي حطيته بورك المطيّه
،،،،،،،،،،،،،،، وافرق نحرها عن سهيل اليماني

نبغي ندور الطفله العسوجيه
،،،،،،،،،،،،،،، ريحة نسمها كالزباد العماني

تباشروا بي عقب سابع ضحيه
،،،،،،،،،،،،، وانـا علـيّ ابرك ليالي زماني

خبـّي وانا راكان زبن الونيّه
،،،،،،،،،،،،،،، ما ياخذ الفضلات كود الهداني

خبـّي خبيب الذبيب بالجرهديه
،،،،،،،،،،،،،،، ليا طالع الشيهان والليل داني

لومي على الطيّب ولومه عليّه
،،،،،،،،،،،،،،، وراه ياخذ عشقتي ما تناني؟

ليته صبر عامين والا ضحيه
،،،،،،،،،،،،،،، حتى يـميّز غربتي ويش جاني

إما غـدا راكـان بالمهمهيه
،،،،،،،،،،،،،،، والا ظهر يصهل صهيل الحصاني

حريبنا اليا اهدى علينا هدية
،،،،،،،،،،،،،،، عندي مجازاته مثل ما جزاني

نسهج محله لين يخلف نويّـه
،،،،،،،،،،،،،،، يصبر كما يصبر جديع الاذاني

من القطيف الى النفود محميّه
،،،،،،،،،،،،،،، الا ان يـمشيها خوي ٍ وعاني

افعالنا هذي علينا وصـيـه
،،،،،،،،،،،،،،، فرض علينا مثل فرض رمضاني

الصدق يظهر من حباله رديّه
،،،،،،،،،،،،،،، والكذب يقطع من حباله متاني