رساله عاجله لشاعر المحاوره عايد العنزي

[حمد الضوّي]

اقتباس:
المشاركة الأصلية كتبت بواسطة سعود راجي الفريح

بسم الله الرحمن الرحيم

كل عام والجميع بخير

اقبلوها كماهي
اهدا مع التحيه0الى الشاعر المعروف شاعر المحاوره عايدعبدالله العنزي

واحذر تعدي بعض المتطفلين على بعض الشعراء والتقييم لهم على حسب رغباتهم

ياعايد الضوي انا حيل مغليك=ولك فالضلوع العوج برج وعماره
جتك البيوت اللي نضمها بناخيك=من هاجسٍ ياثار يقدح شراره
استنهم الفكرة لحضرة معاليك=واضفر على الجزله بعزم وجداره
لي الشرف ياجابوا الناس طاريك=يشوش راسي بالفخر وفتخاره
شاعر ولك بالشعر باع يكفيك=شعر وسطاره كان جت بالسطاره
لاتستمع لمشربكين الشاربيك=اللي نجاحك جاب فيهم مراره
اللي يبي النوماس يسري مساريك=ينضر سماء صوب النجوم ومداره
مثل المحيط اللي وراه المهاليك=من يقربه مضمون عني دماره
يابحر موجك يصتفق من يهديك=ياجالك السباح غير قراره
يابحر لايزعجك صوت السماميك=من لايطول البحر صلى استخاره
موتوا بهم قلوبكم يالصعاليك=ياهل الردى يامثورين الاثاره
من خلقت الدنيا ملوك ومماليك=نعرف رخوم طيورها من حراره
يالعن ابو هاك الزوال المباريك=نقص الحميا بروسكم شب ناره
وصفة صدى بوجيهم دون تشكيك=ياهل الردى يامحفرين الجحاره
مايستوي حج وتجارة مساويك=ياللي تبون الربح جبتوا خساره
دهوركم اللي من صرف بسمه الشيك=باب الوزاره مثل مبنى الوزاره
جتك الرساله عاجله من بناخيك=والهرج يكفي صامله بختصاره

وسلامتكم



الشاعر القدير

سعود الراااجي

صح لسانك وإعتلى شانك والف نعم فيك وفي شاعر المحاوره
عايد عبدالله الضوي لاشك إنه يستاهل وأنت ماقصرت بيض الله وجهك
ولاعاش من يعكر الصفو ويسبب الحساسيات بين الأصدقاء والأحبه والأخوه
أكرر صح لسانك يا ابا فيصل وإبداع بلا حدود لافض فوك ولا هان منطوقك




لك أجمل التحايا