ما الله كتب ما بين الاثنين توفيق - °~*¤®§(§ شبـــكة ويــلان العـربـيـه §)§®¤*~ˆ°

**عبدالرحمن الجابري الحربي** · 24/09/12, (12:11 AM)

السلام عليكم ورحمة الله وبركاته

اسعد الله جميع أوقاتكم أحبتي

جديدي المتواضع أضعه بين أيديكم لعله يرتقي لذائقتكم

لا تحسبني غير عن باقي الناس=لا والذي سواك ضمن المخاليق
يعني تراي انسان لي قلب واحساس=اضحك اسولف بعض الاحيان بي ضيق
ماني جبل يتحمل لضربة الفاس=وانت طعونك كلها بالمعاليق
يا هيه صبرك لا متى اقول لا باس=مليت وانا اسامحك دون تدقيق
بتقول حبي وين يا طيّب الساس=هو عاد باقي شيء مع نشفة الريق
بنك المحبة صابه إعسار وافلاس=من عقب ماهو في خفوقي طوابيق
مات الغلا وانهدت قصور الالماس=والعرش مزقته من الصد تمزيق
خليتني اضرب لك اخماس باسداس=عذرك يليق احيان واحيان ما يليق
اذكر هوانا كل ما هبّ نسناس=واسلّي الخاطر بجرّ الطواريق
اوّل ليا شفتك يزولنّ الاتعاس=واليوم عندي زي ضرب الصواعيق
لو جاك مني شيء من فعل الادناس=قلي عسى قلبي من اسبابك يفيق
وان كان تسمع بي سواليف جلاس=ما همني من لفّق الهرج تلفيق
بحر المراجل دايم ( ن )فيه غطاس=وافعالي اللي توثق القول توثيق
الحمد للي ما يجي عينه نعاس=الصيت شامخ كالجبال الشواهيق
تاخذني الافكار مع كل وسواس=والعقل تايه بين كذب (ن ) وتصديق
تدري وش اللي زود الياس بالياس =خلاني اكتم ضيقتي بالصناديق
خوفي أذوق المرّ من نفس ذا الكاس=ان طال عمري بالليال اللواحيق
لكنْ على الله بشتكي ضيق الانفاس=الواحد اللي يفرج الهم والضيق
دام القدر مكتوب راضي ولا باس=مالله كتب ما بين الاثنين توفيق

جــل تقديــري لكل من مــرّ هنـــا

شاعر عظيم المشاعر

**masha3el ** · 26/09/12, (03:32 AM)

بـنـك المـحـبـة صـابــه إعـســار وافـــلاس
مـن عـقـب مـاهـو فــي خفـوقـي طوابـيـق
مــات الـغـلا وانـهـدت قـصــور الالـمــاس
والـعــرش مـزقـتــه مــــن الــصــد تـمـزيــق
خليتـنـي اضــرب لــك اخـمـاس بـاســداس
عــذرك يلـيـق احـيـان واحـيـان مــا يلـيـق

الراقي عبدالرحمن الحربي

صح لسانك وكلك

ابداع في رسم الاحساس والتصوير
عذوبه راقيه ومشاعر رقيقه

دام ابداعك

تقديري ومودتي

**طالب الونيس** · 26/09/12, (11:52 AM)

صح لسانك قصيده ممتازه الله يعطيك العافيه

**حمد الضوّي** · 26/09/12, (01:18 PM)

الشاعر القدير

عبدالرحمن الجابري

الف صح لسانك على هذا النص الأكثر من رائع
أبدعت وليس غريب عليك الإبداع
فأنت من يصنع الإبداع
بارك الله فيك

انقى تحيه

**محمد دعسان** · 27/09/12, (06:03 AM)

اقتباس:

المشاركة الأصلية كتبت بواسطة عبدالرحمن الجابري الحربي

السلام عليكم ورحمة الله وبركاته

اسعد الله جميع أوقاتكم أحبتي

جديدي المتواضع أضعه بين أيديكم لعله يرتقي لذائقتكم

لا تحسبني غير عن باقي الناس=لا والذي سواك ضمن المخاليق
يعني تراي انسان لي قلب واحساس=اضحك اسولف بعض الاحيان بي ضيق
ماني جبل يتحمل لضربة الفاس=وانت طعونك كلها بالمعاليق
يا هيه صبرك لا متى اقول لا باس=مليت وانا اسامحك دون تدقيق
بتقول حبي وين يا طيّب الساس=هو عاد باقي شيء مع نشفة الريق
بنك المحبة صابه إعسار وافلاس=من عقب ماهو في خفوقي طوابيق
مات الغلا وانهدت قصور الالماس=والعرش مزقته من الصد تمزيق
خليتني اضرب لك اخماس باسداس=عذرك يليق احيان واحيان ما يليق
اذكر هوانا كل ما هبّ نسناس=واسلّي الخاطر بجرّ الطواريق
اوّل ليا شفتك يزولنّ الاتعاس=واليوم عندي زي ضرب الصواعيق
لو جاك مني شيء من فعل الادناس=قلي عسى قلبي من اسبابك يفيق
وان كان تسمع بي سواليف جلاس=ما همني من لفّق الهرج تلفيق
بحر المراجل دايم ( ن )فيه غطاس=وافعالي اللي توثق القول توثيق
الحمد للي ما يجي عينه نعاس=الصيت شامخ كالجبال الشواهيق
تاخذني الافكار مع كل وسواس=والعقل تايه بين كذب (ن ) وتصديق
تدري وش اللي زود الياس بالياس =خلاني اكتم ضيقتي بالصناديق
خوفي أذوق المرّ من نفس ذا الكاس=ان طال عمري بالليال اللواحيق
لكنْ على الله بشتكي ضيق الانفاس=الواحد اللي يفرج الهم والضيق
دام القدر مكتوب راضي ولا باس=مالله كتب ما بين الاثنين توفيق

جــل تقديــري لكل من مــرّ هنـــا

شاعر عظيم المشاعر

الله الله الله

ابداع وعذوبه وتميز يخص عبد الرحمن الجابري
لله درك يا عظيم المشاعر

الله يرعاك

**سراب نجد** · 29/09/12, (02:57 PM)

صح والله السانك على هذه الرائعه

جزاله وأبداع لا يتضاها

لك مني جزيل الشكر والتقدير

**سليمان الجعفري** · 30/09/12, (08:07 AM)

الشاعر القدير/عبدالرحمن الجابري

صح لسانك على هذا النص الأكثر من رائع الله يعافيك

أبدعت وليس غريب الإبداع عليك شاعر جزل ومتمكن

لك تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري