بسم الله الرحمن الرحيم
الاخوان والاخوات أعضاء شبكة ويلان العربية.
التمس منكم العذر والسموحه عن التاخير وقلت المشاركات . وإليكم هذه القصيد ه عسى أن تحوز
على رضاكم ولكم كل الود والاحترام
ياراكب اللي ما يشيل العجايـــز = (جي إكس) تايوتا،جديدٍ،مجــهّز
اللون بيج وللقوانيــــص جايـــز = جيبٍ مصمّم للوعر ما يغـــــرّز
للصّيد شالوا فرشهم والعوايــــز = مع أشقرٍ بين المراتب تمركـــز
حرٍّ جليلٍ والمناكب ركايـــــــــز = أفحج،مسرول،فاهق العنق،مغتز
طير السعد دايم على المدح حايز = ريشه،وطلْع،وبالرّكاده تميّــــــز
اليا تنفّض للمطيـر متمــــايــــــز= شرّه على فرخ الحباري اليا غزّ
ويازين مشيَه يوم صكّ القزايـــز = ومع العفاش الجيب قام يتهزهـــز
هادي وتقْـل إنّك على(رولزرايز) = وليا بغاه اللي على طارته فـــــــزّ
كنّ البَرَد والرّيــح تحتـه لزايــــز = صفّيرته والحصو يوم يتــناقــــــز
والله لو إنّه على دور( فايـــــــــز)* = ما دوّر(الأشعل) ولامات مرتــــز
حيّ الجواب اللي به القاف عايــز = من واحدٍ لو ضامه الوقت ماانهـــز
وقتٍ صفى مع لابســــات البلايز = والرّوس ذلّت والذّنَب شاخ واعتــز
وتقاطعوها كاسبيـــن الخزايــــــز = بالغصب والباقين يكفيـــهم الـــــرز
ياصاحبي واللعب خاسر وفايـــــز = إلعب ولكن ياالخوي لاتنـــــــرفــــز
دنياك ما تمشــي على ماانت عايز = لكن عن القالات ياصاحبي جــــــــز
واترِك طريق مدوّريـــن الجوايــز = تعيش- مهماكان- وتموت في عــــز
14/04/06, (07:43 PM)
ياراكب اللي ما يشيل العجايـــز
العرض العادي
