السلام عليكم ورحمة الله وبركاته ..
الموضـــوع :
رقم جوال :6666666
حـــــــلو للترقيم ..؟؟
كشخة .. صــــــح ؟؟
تشتريــــــه ..؟؟؟
كم مستعد تدفع ..؟؟
عندي لك عرض مغري ..
الرقم معروض للبيع بمزاد ..
وسعر تذكرة الدخول 3000 ريال قطري وثمن التذاكر يعود لصندوق الزكاة ..
ملاحــظة :
توجد هناك قاعة مخصصة للنساء ..
والمزاد يفتتح بمليون ريال
واحد بستـــة أصفــــــــار ...
عشان الرقم ستات الظاهر ..!!!
والزيادة تكون بـ 100 ألف ومضاعفاتها ..
وعند الفوز
لاحظ عند الفوز..
تحرر شيك بالمبلغ وتستلم الكرت ..
وعلى فكرة ترى الكرت تعبـئــــة مب فاتورة..
بس خسارة ترى راح عليكم الرقم ..
المزاد هذا كان من اسبوع في فندق الفورسيزونز بالدوحة
.
وشراه مواطن قطري ب 10 مليون دولار ( ويشكون من غلاء المهور )
المهم انا جايه اسألكم ..
شرايكم بموضوع الأرقام المميزة
رقم السيارة ورقم الجوال ورقم البيت ..
هل تسعى لأن تكون أرقامك مميزة ..؟ وليـــــــــــــــــــــه ...؟؟؟؟
مستعد تدفع مئات الألوف مقابل رقم سيارة ..
استغرب أحيانا لما شخص يوقفنا بمكان ويقول تبيع الرقم ..؟؟
أو أحد يتصل على الجوال ويقول بكم تبيع الرقم ..؟
أحد أقاربي أشترى رقم سيارته ب 5000 ريال ..
وعرض عليه أن يبيعه بمبلغ 450 ألف ريال ..
وآخر اشترى رقمين متشابهين بألف ريال وباعهم بـ 40 ألف ريال ..
شريحة جوال تشتريها ب 120 ريال وتنعرض للبيع بـ10إلى 15 ألف على الأقل ..
وحده اعرفها عندها رقم جوال مميز ولم تقبل ببيعه ب 500 ألف ريال ..
رغم انها شاريته من كم سنة بـ 500 ريال ..
بالنسبة لي الأرقام خياليه ..
كل يوم اقرا إعلانات بالجرايد وبأسعار لا تصدق ..
وسألت : من يشتري ؟ قالوا لي في أغبياء يشترون ..
ســـؤال آخــر ..
كم رقـــم عندك ..؟؟
لا تستغرب من سؤالي ..
مالحكمة من أن يكون لدى الفرد الواحد أكثر من 25 رقم جوال ..
ممكن يحط بسيارته وبجيبه حوالي سته , سبعة جوالات ..
أنا شفت هالشي هذا بعيني عشان كذا اسأل ..!!
بس مو قادرة أقتنع بالأسباب ...
مالداعي لكل هذه الأرقام ..
أو أن أدفع كل هذه المبالغ مقابل رقم ..؟؟؟؟؟؟؟؟
بالنسبة لرأي :
أقول شرايكم بلاش بورصة وأسهم .. داون واب وأحمر وأخضر
ونبيع ونشتري في أرقـــام التليفونات والسيارات ..؟؟
انتظر رايكم وتعليقاتكم ..
اختكم عنزيه
02/06/06, (06:43 PM)
ارقام مميزه للبيع
العرض العادي
