إذا إنتي ماإنتي بقد الكلام اللي تقولينه
حرام أستأمنك حاجة وإذا جيت أطلبك تنسين
تخونين، وتبين أرضى!وأحد يرضى تخونينه
أنا لاجيت أخونك مع حبيبة ثانية ترضين؟
تغانمتي غيابي لين رجحتي موازينه
تعلم من يدك لمس الكفوف وعلمك تجفين
وليتك لاقيه به شيّ فيني ماتلاقينه
ماهو غرور لكن خابرك مالك أمل تلقين
وأنا ماني بناقص عنه يوم إنك تبدينه
نصيبي هو نصيبي لو يبددها من الصوبين
قنوع بمظهري .. والسم مايذبح ثعابينه
على قول المثل:ماني حلو..لكنّي ماني شين
إذا أهداك الزهر مرة،فأنا أهديتك بساتينه
(وإذا ألهاك بفرح ليلة،فأنا تهت لبكاك سنين)
وإذا استضعفتك أملاكه وشتّتك ملايينه
أنا حتى فتات الخبزة أقسمها معك نصين
كثار اللي تحدوني وقالوا لي تحبينه
أمانة لاتخليني صغير بعينهم تكفين
لأنّي كل ماقالوا <تخون>أقول مسكينه
عليك الله وأمانه علميهم من هو المسكين
/
/
/
وهذي قصيدة للشاعر (حامد زيد)
صوّر فيها خيانة الحبيبة ..
وبعد كانت الصورة رائعة
.
.
.
لاتسألوني ليش إخترت الخيانة وكتبت عنها قبل الوفاء
بس هذا الموجود حاليّا
وشكرا للجميع
أختكم
مهاجره بإحساس
22/07/06, (05:40 AM)
رد: تحدي بين ... الوفاء والخيانة !!!
العرض الشجري