][][§¤°^°¤§][][ عـــدنــان و لـــيــنــه ][][§¤°^°¤§][][

[مشاعر حالمه]

افتح ياسمسم .. جيت ادور لي احباب
عدنان انا وابحث عـن ديـار لينـه
تايه وادور من ورا فكـري ابـواب
او لا ..ادور مـن نجـى بالسفينـه
قلب" كفر في عالـم العشـق ماتـاب
وش دخل احساس البشر بالضغينـه
لينه .. فتاة" بـاول العمـر ترتـاب
تخـاف لاسمعـت ضجيـج المدينـه
لينه .. يتيمه مالها اصحاب واقـراب
لينه .. بريئـه بـس دايـم حزينـه
من مات ابوها بعينها موتـة كـلاب
قدامهـا ذااق القـهـر والغبيـنـه
وفزعة اخوها بين صـادق وكـذاب
لحق ابـوه ودمعتـه وسـط عينـه
هي تدري انه مات والعمر به غـاب
وهي تدري انه مات عالـي جبينـه
لكن بقى فـي قلبهـا لـوم وعتـاب
تمشي شوي .. شوي وتقول وينـه
وينه زمان العز وش جاب وش جاب
مابـه طمانينـه ولابــه سكيـنـه
لينه .. بكت تحت الخطر بين الاجناب
تكسر يديـن اللـي تمـادت يدينـه
في صوتها جرح" بكى موت الاشناب
(( زئير ليث" )) ولعوا فـي عرينـه
سمعتها تقـول خـاب الرجـا خـاب
وان كان فيكـم حـر يرفـع يمينـه
اقفى بها عبسي ولاحسـب حسـاب
شاف الزمان اغبـر وغبـر سنينـه
راح يتمخطر واحترامـي للاصحـاب
ماغيـر شجـب وبالخفـا محتمينـه
لكن محال يدوم هالحـال لـو شـاب
راس الطفل يجيه مـن هـو يهينـه
يالينه وينك.. منتي بـصفحة كتـاب
انتـي حقيقـه والمـلا خابريـنـه
مايضيـع حقـك دام للحـق طـلاب
طـال الزمـن ولا قصـر تاخذينـه
وبكره يجي عدنان يااولـوا الالبـاب
ويفّـرح اللـي زاد همـه ونيـنـه


مزيد المزيد ..

قصيدتك من راسها لكرياسها رهييييييبه والله ..

صح الساااانك يالقرم ولاهنت ..

تحيتي لك / مشاعرحالمه ..