مايثبت الا الصح

[هيـاا العـازمـي]

المشاركة الأصلية كتبت بواسطة محمد المقبل

يامزيد أفتح باب وأسكر أبواب = واللي عسرها لو تدرٌى كسرها
إحترت بين الناس صادق وكذاب = عين الحقيقه من يقدي نظرها
مال العرب عن واقع الوقت مجناب =ولاكل من شاف الحقيقه نشرها
نشوف بالعالم جماهير وأحزاب = حزب يسندها والآخر حدرها
ولا يثبت الاالصح والنور جذاب =بيض الليالي نورها من قمرها
لكن تبين وتتضح كل الاسباب = قبل طلوع الشمس بين سفرها
وسهيل لوهو غاب أنا أقول ماغاب=دام الاسس ماتختفي من بشرها
مادام يوجد كلمة أحباب وأصحاب=مبادره للخير ذي نعتبرها
واللي تعاطى أفكار تنظيم الارهاب=ترى حياته في مسيرة دمرها
والسم سم الحيه اللي وراء الناب=اللي لها قرنين يزعج خطرها
من أول الدنيا تجي من وراء الداب=علة نحر وانيابها في ظهرها
يفيض منهاغيض من مات ماتاب=اللي قدرها وأنحرف ماعتبرها
هي قصة يفرح بها كل نصاب=اليا أكتشف لابعادها ماسترها
منها تسمم جرح والجرح ماطاب=يوم أختلط سوادها مع حمرها
ولأني مدور ماتخفى ورى الباب=أقولها وأعيدها وأختصرها
أقف واقول الراس عالي ولو شاب=وأهل الوفاء والطيب مانحتقرها
الطيب يامزيد مع العرف ينساب=وأنت الحكيم اللي دروبه ظفرها

.
.

الله الله الله يا محمد المقبل

هنا وجدتُ الحروف ابداع وسمان وجزال

رووعة روووعة يا راائع

لا بالله انها قصيدة شامخة

بـِ كلمات ومعاني مختارة بعناية

لله درك يا محمد

صح الله لسانك مدد بلا عدد

ولاهنت

وتقبل اعجابي ومتابعتي الدائمة

ونحن في انتظار مرور المخضرم مزيد المزيد عليها

دمتَ لنا بخير وعافية

تحياتي

هيــــاااا