شمريه وايليه

[البيداء]

المشاركة الأصلية كتبت بواسطة وليد الشمري

السلام عليكم ورحمة الله وبركاته

اخواني واخواتي اعضاء منتدى ويلان

هذه القصيده هي اولى مشاركاتي في هذا الصرح الشامخ

وهي قصيده قلتها في مناسبه سابقه ولكني تعمدت ان تكون

هي اول مشاركتي لأني رايت انها مناسبه لمثل هذا المقام

واتمنى ان تحوز على اعجابكم ورضالكم

الله الله والمثايل تدحم متون المثايل=من هجوس ٍ طول عمره مايهوجس بالرديه
قمت انقي من جزيلات الجزيلات الجزايل=والجزايل والمثايل شمريه شمريه
الشعر في خافقي قام يتغنى ويتمايل=مثل ميلات الغصون من الرياح الموسميه
الله أكبر يامزون الشعر خليها همايل=بعد جات الدعوه اللي نارها بالقلب حيه
من رجال ٍ لهم قدر ٍ بالحشا زايم وطايل=ابي اقوم بلازم ٍ واجب مثل فرض ٍ عليه
جيت اشارك بالفرح والشعر بالفرحه تهايل=مير يالويلان فرحتنا تبي تصبح سويه
المشاعر شمريه بس بين عيال وايل=واطيب الفرحات لا جت شمريه وايليه
دام ابن عادل معي يأهل الوفا والشك زايل=يب يصير الشعر له رونق وشكل وجاذبيه
ويب يصير الشعر للغادي مجرات ودلايل=إن نخاني في قصيدي ثم جذبت السامريه
يبشر اجزيه عن باقي شواعير القبايل=وادري اني لا نخيته شال سنجار وطميه
القريحه حاتميه لا بدا وقت الصمايل=ما نبيها كان ماهي بالصمايل حاتميه
مير يأهل الجود والطولات ياعيال الحمايل=إسمعوا مني كلام ٍ خارج ٍ من صدق نيه
اشهد اني لا حضرت بفرحة ٍ لعيال وايل=تقل حاضر لمغري ٍ ماخذ ٍ بنت مغريه

وسلامتكم



تقبلوا تحياتي

اخوكم/

وليد الغثوان

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *


هلا بأخوي ( وليد الغوثان الشمري ) ..


وهلا بقصيدتك اللي قريته أكثر من مرة ،، من شدة اعجابي به ،،


لأني من زمان ماقريت قصيدة بهالجزالة على كثر مااقرا ،، حقيقة قصيدة توزن بذهب ،، ماله مثيل بين القصايد


جيت اسجل اعجابي بقصيدتك ،، وانثر حبر قلمي هنا ،، تعبير عن فرحتي وسعادتي به ...




وصح لسانك ،، ولا هنت على هالقصيدة ...


إختك ... الــــــــبــــــــــيـــــــــــــداء