بيت مني وبيت منك ..... الهمة يا شباب

[صالح العرجان]

الله يجيرنا بجيرته !


حرف التاااااااااء



للشيخ ساجر الرفدي


تعطـرت يـوم انـهـا باغيتـنـي
واليوم ماحطت علومي علـى البـال

وقرونهـا جـرد السبايـا تلتـنـي
وعطورهـا دم النشامـا ليـا سـال

عاهدتهـا بالله وهـي عاهدتـنـي
واليوم اشوف افعولها اقفاي واقبـال

دنيـاي بحمـول العنـا ضاهدتنـي
والكبر يرث بالرجـل كـل غربـال

من مدهـا بالجـود يامـا عطتنـي
وياما ركبنا فـوق عجـلات الازوال

وياما على طيـب الفعايـل هدتنـي
وخليت عيرات النضا تهـذل اهـذال

نمشي على ما كـاد لـو ساعفتنـي
وان عاضبت نذكر بها زين الامثـال

وكـم سربتـن نجرهـا تابعتـنـي
وخليت غارتها على القـوم تنهـال

والله لخوض بحورها لـو عصتنـي
ما دام جسمي باقـي مـا بعـد زال

مالـي حسايـف كانهـا خالفتنـي
للي يخلـط الخيـر والشـر عمـال



حرف اللام لاهنت

[البيداء]

ابشر ياابو عبدالله ،، جاك ماطلبت


لي ضاق صدري قمت اصوّت لنورة
* * * * * * * * * * * * * * * هاتي حطب وارميه للجار والضيــف

من قبل ولد اللاش يبدي بشوره

* * * * * * * * * * * * * * حمست من بن اليمن غــايــة الكـــيف





حرف الفاااااااااااء ،، لا هنت

[صالح العرجان]

حرف الفااااااااااء


استلم ؟!


فيها برود و ثلجها .. خلطـة رحيـق و زعفـران
تحالفـوا فيهـا علـى هيئـة ( عصابـة مافيـه )

هذا يجيـد الفلسفـه .. و هـذا يجيـب الأحتقـان
و انا مـع الأثنيـن نفسـي مـا تجـي متصافيـه

وش عاد باقي!! بنت عز/و بنت شيخ/و ذات شـان
مثل البحر و امواجهـا بأسمـى المشاعـر زافيـه

قالت : اذا مات الدفا .. من يثبت ان البـرد خـان
في صحبته .. قاطعتها!!قلت : أسمعي يا وافيـه !

لولا الوفاء مات الدفا ..و اصبح يهون و يستهـان
و أجراحنـا بأروحنـا صـارت مهـي متعافـيـه




حرف الهاااااااء !

[البيداء]

حرف الهـــاء ،، ابشر



هذي سلوم اللي تقافت صففها
* * * * * * * * * * * * * * يوم الهوا عدل ٍ لركـــابة القود

واليوم ترحم حالها من ضعفها
* * * * * * * ** * * * * * ما كنـّهم شيفوا بمرباع وعدود

قل لي علام الوقت هذا صدفها
* * * * * * * * * * * * * واقول لك هذا آخر الوقت مشهود

محد ٍ تصاريف الزمان اكتشفها
* * * * * * * * * * * * تغيّرت سلم ٍ على الخــلــق مــقدود




ياللي بعدي حرف الدال لا هنت

[صالح العرجان]

حرف الداااااااااال !


دنيا مهي تبقـى بحـالٍ علـى طـول
كن حن بهـااا علـى قضيّـا مقاضـي

من جااا يعـدل ميلهـااا قيـل مهبـول
لعبة ورق فيهـااا المسيطـر يغاضـي

الزور يقلب حـق!! والحـق مجهـول
والحـق مـا منـه مـلاذ وتغـاضـي

كثر النفاق.. ودار حـولٍ بثـر حـول
ماكـن كثـر البلبلـه حكـي فاضـي

ومن لا توقى في الرماضـي بزربـول
يحـرق سماريّـه مسيـر الرماضـي

(وارويبضه) لوقال ما هـو بمسـؤول
قبل امس ما يسـأل وذالحيـن قاضـي

خضت البحر وانا اتحاشا عن الدووول
خوف الهلامي يلحق السـاق شاضـي




حرف الياااااااااااااء !

[البيداء]

حرف اليااااااااااء ،، ياكثر ماتجيبوه ياابو عبدالله

يوم الليالي عن حبيبي رموا بي
* * * * * * * * * * * * * غديت مكتوف الجناحين مصيوب

مثل الفقير اللي غريب ٍ عزوبي
* * * * * * * * * * * * مستاجع ٍ ماله حد ٍ يقضي النـوب

أو شبه حيد ٍ للسراة مغصوبي
* * * * * * * * * * * * حمله ثقيل وصار بالخف شاذوب
هذي سواتي عقب فرقا الجنوبي
* * * * * * * * * * * اللي هجرني مالفى منه مكتوب
حرف الباء لاهنت ،، ياللي بعدي

[صالح الجطيلي]

راعي الوفا دايم تحطه بيمناك = ولا ردي النفس وش ينبغابه
اللي يمرك با العجل ويتعداك = ولضيف ما يفتح مغاليق بابه