هرج الناس

[صقر المطردي]

الرجاء من الاخوان المشرفين التعديل على الشكل الحالي لكونها نزلت باخطاء مطبعيه غير مقصوده واشكر الجميع

ياناس هرج الناس من خلقة الناس=شيٍ طبيعـي والعـرب عارفينـه
خذ الكلام اللي حقيقي من الـراس=خبـرة حيـاة ودرستنـي سنينـه
ماهو حكي جاهل ولا هرج هـلاس=اللي على عقله عسـى الله يعينـه
حكي الذي من التجربه حافظ ادراس=بدنيـا تجاريـب الزمـن حافظينـه
ايام فاتت ماضيه مالهـا ارمـاس=من عمري اللي للتجـارب عرينـه
الرابح اللي من خطا الذنب مـاداس=تـاب ونـدم قبـل المنيـه تدينـه
خذها نصيحه يافتى الطيب والباس=دام النصيحـه فـي زمنـا ثمينـه
ترى النصيحه جوهره او بعد ماس=لاهـل العقـول النيـره الفطينـه
ومن لاحفظ نصايح الوقت ينحـاس=يطيح في عثـر الزمـن والغبينـه
يقضي زمانه بين هم وسـواس=كف الندم يصفـق شمالـه يمينـه

الشاعر / صقر بن غازي المطردي الجعفري العنزي

[تركي علي الخالدي]

يامرحبا ومسهلا

وشكرا للشاعر صقر المطردي على هذه القصيده التي تحتوي على الكثير من الحكم والجزاله

صح لسانك

[سالم صالح]

صقر المطردي


صح السانك قصيدة مميزة ونصائح من ذهب بيض الله وجهك شاعر مبدع وحياك الله في دارك


تقبل تقديري وبانتظار روائعك

[صبيح العوض]

صقر المطردي


صح السانك قصيدة مميزة ونصائح من ذهب بيض الله وجهك شاعر مبدع وحياك الله في دارك


تقبل تقديري وبانتظار روائعك

[بنت الكحيلا]

صح لسانك اخوي صقر المطردي

والله يعطيك العافية على القصيدة الرائعه

وتسلم على البوح الراقي

لك تحياتي وتقديري

[صالح الأسود الجعفري]

الله يحيك اخوي صقرالمطردي
وصح لسانك

[البدر]

في البدايه ياهلا ومرحبا بالاخ والشاعر صقر المطردي في شبكة ويلان العربيه

اسعدتنا بتواجدك طال عمرك وسرنا تواصلك ونطمه منك بالمزيد

القصيده جيد ولكن اتمنى ان تسمح لي بذكر بعض الملاحظات السلبيه في هذه القصيده .

حكي الذي من التجربه حافظ ادراس = دنـيــا تـجـاريـب الــزمــن حافـظـيـنـه

هنا في الشطر الاول مشكلتين
الاولى : خلل في الوزن
الثاني : كلمة "ادراس" انت تريد جمع "درس" وجمعها "دروس" وكلمة "ادراس" لاتعني دروس.

في الشطر الثاني كلمة "دنيا" زائده وليس لها اي اهميه في المعنى.

مـن عمـري اللـي التـجـارب عريـنـه

هنا خلل في الوزن


شكرا لك اخي صقر وننتظر منك الجديد واعتذر عن ابداء وجهة نظري وهي خاصه بي ربما تحتمل الصح والخطأ