سجل دخولك للمنتدى ببيت شعر اعجبك

[شمــــــــوخ]

::

::

غبت وغاب الهاجس الدافع لكتـب القصيـد
وجيت وجاني كل حرفٍ من الشعـر يعـدي

لنّـك الملــــــهـم لكـل القصايـد والرصـيـد
والله ان كنــك مصلـط علـى معصـم يـدي !

::

::

[صالح العرجان]

مجبر على هذا الدخول


/


/



خل ليلك خيال وخل شرحـك يطـول
ياصعيـب المنـاوي طولـه طولـه

أحسبن الجمال إليـا طغـى مايهـول
لين شفت الدلـع والسحـر بمهولـه

بين شط الردوم وبين طرفن خجـول
ضاعت السالفـه وعلومنـا الأولـه

ضامك الحمل ريح ياكبيـر الحمـول
وارتو السلسبيل ومن روى .. رولـه



ليه ؟!

[سعوط المجانين]

رغم امتداد التعب عيا يموت الطموح \\\ وباب ٍ وراه اعتزازي طارقه طارقه

[صالح العرجان]

بعض البني به صفات اقروم
ياويـل منـهـو تحـداهـا

يصبح فريسه لها مطعـوم
يتعب ولاحصـل ارضاهـا

[صالح العرجان]

يقولون البدو لا ضاق صدرك غن ؟!


واليوم انا بوسع صدري هنيا ؟!



تزيد الليالي دين حبـك علـى واوفيـك
من الشوق ما يزهر بودك وانا الساقـي

مع الساعه الحرجه وانا خابـرك يمديـك
تبيّن غـلاي وتشعـل النـار ل حراقـي

وانا كم لفيت وكـان فالقصـد باحاكيـك
والى جيت وجه ال وجه تتبعثر اوراقـي

على كل حال الى حصل فيك!! والا فيـك
عليك ان توضح نيّتـك واتـرك الباقـي

[صالح العرجان]

لو يذكر اسمك قلت عاشت لاسامي
ماكـن راعيّـه مـن اول مظنّـه

قد خذت مع بيض الغنادير زامـي
يامـا ويامـا خافـقـي لوعـنّـه

ياما رعينا القفر عقـب الوسامـي
وحب الشرف يبقى للجـواد سنـه

هذا الهوى معروف شرقٍ وشامـي
فالبعـد نـار وفالمواصيـل جنّـه

ميزان واقف فوق راسي تقل يدري بخاطري ؟!

[صالح العرجان]

ياليته يقراء ويشوف


كان ما على صالح خلااااااااف ؟!



يتيم الوصوف وليّن العود غصن البـان
جميـل المحيـا والحجاجيـن مقرونـه

الى اوما بليل امجدله من على الامتـان
تخيّلـت كـن الليـل ممسـاه بمتونـه

والى طاح واسترسل وبانت لي الاوجان
تخيّلت نور الصبح وان الشفـق دونـه

لها بنّـة العطّـار واحكايـة المرجـان
مع اللول والرمّان كـن البـررد لونـه

معا ذا ..ولولا الميز باقول بنت افـلان
على شان مثلـي لاعشقهـا تعذرونـه