’’’’ البــــــارحــــة ’’’’’

[سالم صالح]

قصيدة تزدان بويلان وتهبط لاول مرة في ارض ويلان العزيزة على قلبي فهي من تستحق نبع احساسنا ولذائقتكم اخواني واخواتي الحق الاول في معانقتها وابداء ارائكم فهي تهمني كثيراً ’’’’’’


تقديري وودي للجميع ,,,,,

البارحة جو المساء مفعم احساس=من فوقنا صارت نجومه قناديل
غصن الغلا مايل على خدر الانفاس=وعطر الزهر يعطي شعور وتعاليل
وسحر السوالف دقت حروفه اجراس=تعزف على اوتار المشاعر مواويل
البال رايق مابه طروق هوجاس=شعر وحكاوي حب مع هجعت الليل
جلسة سمر وشعورها يجلي عماس =وكيف السهر يطرب على طلة سهيل
شاي الهنا من يدها يقعد الراس =ودلة غلانا فاحة بريحة الهيل
استنشقه واتليه والقلب حساس =يتبع هواه ولايبي غيره يميل
ونار المحبة شوقها يشعله كاس =اثمل معاه واطلبه زود الكيل
مهرة غرامي وصفها ماله قياس =تفرق كثير ومن وراء عينها خيل
البدر غار وغار منها هالالماس =والذوق حاكى منطقة انتثر نيل
ياصبحي الهادي على كفك ايناس =كن المعاني من نبع ثغرك تسيل
هذا غلاك وحافظة بين الاقواس = مايمحي لو مر جيلٍ بعد جيل
والاه منك يامساء عشق الاحساس =اخرك وادع والهدايا بمنديل
والاه من وقتٍ قتل لذة فاس = ادمى شعور اطياف لقياك واغتيل
والبارحة مرت تواريخ قرطاس =وطاريك باقي والرجى بالمقابيل

وسلامتكم ,,,,,,,