اقتباس:
المشاركة الأصلية كتبت بواسطة سعود راجي الفريح 
اقتباس:
المشاركة الأصلية كتبت بواسطة حمد الضوّي
بسم الله الرحمن الرحيم
أحبائي أضع بين أيديكم آخر ماكتبت عسى أن تسمو وتعانق ذائقتكم
وتحظى برضاكم
من نشدني كيف حالك قلت له لاباسي=بخير عايش والهموم بداخلي حابسهـا
والسبب ظلمك وجورك يالزمان القاسي=كسبنا منك التجارب والعُبَر ندرسهـا
الله أكبر يازماني منك شيّب راسي=شفت نارك تاكل أخضرها قبل يابسهـا
ذا وأنا للعلم لاناشط ولابسياسي=بس شايف شي كبد اليَعْربي يحمسهـا
التطوّر للبلاد الكافره نبراسي=والعرب تفرس بعضها والزمن يفرسهـا
ويكسبون الغرب علم بكل فصل دراسي=وعُرْبَنا مريوسْها يقلب على ريسهـا
العرب ياحيلة الله وضعها محتاسي=طاوعت لإبليس واصبح جنّها لابسهـا
صدقوا من يرسم الخطه على الكراسي=وللمشاكل يستثير الناس ويحمسهـا
وعودوا على بعضهم يضرسون ضراسي=ونجحت خطة حقود ٍ ضدهم هندسهـا
وبينهم حبْل التواصل صار له مسّاسي=وإشحنتهم سطوة الغاوين وتغطرسهـا
ياعربنا كيف مسلم بالرجول يداسي=والكرامه كل طاغي بالقدم يدهسهـا
إيتقوّى بسلطته لعقاب ربّه ناسي=ويملك أنواع القسى والبطش ويمارسها
مايسوّي هالسوايا إلا الردي والخاسي=ولايذل لشعبه إلا من العباد أنجسهـا
ومن يدوّر زعزعتنا بشْره بإفلاسي=كل ماجانا بخطه لنْحَره نعكسهـا
يالله إنك لاتربّح قادح المجباسي=وحربته يالله بصدره ردها وإغرسهـا
ويالله تعز البلاد اللي جبلها راسي=وفي حماك من البلاوي والفتن تحـرسها
بظل من حكمه جعل ميزانها متواسي=يالله إحفظ مملكتنا وارحم موسسهـا
من هو اللي يستطيع لحلـّت اللولاسي=والمشاكل بالعقل وإدراكه يسايسهـا
غير حاكم مثل ابو متعب عريب الساسي=يجمع لشمل العرب وجهوده مكرسهـا
يحلّها بحكمه وبسياسه وقوة باسي=وإن تعذر حلها بوجه العداء يقبسهـا
والربيع العربي لو عسّه العساسي=ويش يلقى غير شِبْ النار ياجابسهـا
قلتها وللعلم لاناشط ولابسياسي=بس شايف شي كبد اليَعْربي يحمسهـا
""" وسلامتكم جميعا ً """
ياالله انك لاتربح قادح المجباسي
الشاعر المبدع حمد الضوي اقف تحيه وأجلال امام هذه القصيده الشامخه التي لاتسغرب من شاعرها
شاعر الجزاله حمد الضوي
ماقول الا بيض الله وجهك ورحم الله والديك وصح لسااااااااااااانك مليون
يابا خالد
سجل اعجابي
الغالي سعود الراجي
صح بدنك وبيض الله وجهك على الإطراء والإشاده
التي أعتبرها تاج على راسي تشرفت بمرورك يالعزوه
لاخلا ولاعدم
لك أجمل تحيه
07/01/12, (09:37 PM)
رد: {{ الربيع العربي }}
العرض المتطور
