ذي تجارب دنيتي سقتها لك بالقصيد=فضفضة شاعر بدنيا تزايد جهدها

[عبدالرحمن الجابري الحربي]

المشاركة الأصلية كتبت بواسطة سعد النفج

الله الله و كنت على أمل كبير بإكمال هذه الابيات الرائعه ..
فعلا تألقت يا عبدالرحمن ..
صح لسانك و لله درك ..

الغااالي سعد النفج ..

صح بدنك ..

ومشكور على الكلام الجميل والمرور العطر ..

[خليف فراج الشمري]

عبدالرحمن الجابري


ليتك مسجون من زمان

لاصار تبي تطلع مثل هالرائعة


صح لسانك ملايين واعتلى شانك

[عبدالرحمن الجابري الحربي]

المشاركة الأصلية كتبت بواسطة خليف فراج الشمري

عبدالرحمن الجابري


ليتك مسجون من زمان

لاصار تبي تطلع مثل هالرائعة


صح لسانك ملايين واعتلى شانك

خليف الشمري

صح بدنك يابعد حيي ...

إن كان مثل هالسجن ياهلا به .. أما غيره الله لا يوريه أحد منا ..

شاكر لك مرورك ...

تحياتي ..

[حمد الضوّي]

عبدالرحمن الجابري

صح لسانك ملايين على هذه الرائعه وليس غريب عليك الإبداع
والظاهر بنسجنك كل اسبوع حتى تتحفنا بمثل هذه الشامخه بشموخك
الف شكر لجنابك والشكر موصول لصاحب الفكره الشاعر القدير والمشرف المتميّز
الأخ الغالي سعد النفج



ودي وتقديري

[عبدالرحمن الجابري الحربي]

المشاركة الأصلية كتبت بواسطة حمد الضوّي

عبدالرحمن الجابري

صح لسانك ملايين على هذه الرائعه وليس غريب عليك الإبداع
والظاهر بنسجنك كل اسبوع حتى تتحفنا بمثل هذه الشامخه بشموخك
الف شكر لجنابك والشكر موصول لصاحب الفكره الشاعر القدير والمشرف المتميّز
الأخ الغالي سعد النفج



ودي وتقديري

الغالي حمد الضوي

صح بدنك ... وما عليك زوود يابعدي ..

ويستاااهل كل التقدير العزيز سعد النفج ..

شاكر لك مرورك العطر ..

[مشعل التريباني]

المشاركة الأصلية كتبت بواسطة عبدالرحمن الجابري الحربي

السلام عليكم ورحمة الله وبركاااته

هذي القصيدة أحد ثمرات سجن الشعراء ...

أتمنى أن تحوز على رضاااكم واستحسااانكم ...

...............................................

يا حمد ما دامك أجبرتني أجلس وحيد=بين جدران السجن والهبوب وبردها
ودي أراجع حسابات نفسي من جديد=وأعرف اللي هو لها واعرف اللي ضدها
لأجل أعيش اللي بقالي بهالدنيا سعيد=وارتقي يَمَّ الثريا وأباري حدها
يا حمد هذا الزمن واقف بوجهي عنيد =دنيتي ما ينعرف مزحها من جدها
اكتشفت إني بها مثل ما قالوا وحيد=الهموم اجتاحت القلب محدٍ صدها
واكتشفت إنْ طيبتي دون شدة ما تفيد=دام فيه قلوب مثل الجمال بحقدها
واكتشفت إنّ الوفا بالزمن هذا فقيد=كل ما أوفي صاحبي بالخيانة ردها
واكتشفت إنّ الوجع من ورى أحبابي يزيد=كل طعنة ياحبيب أو قريب يمدها
واكتشفت إنّ العفو ما يفيد بدون قيد=نعفي وبعض الخلايق تناقض عهدها
واكتشفت إنّ الهوى لعبة أحرار وعبيد=أبني صروح المحبة وخلّي هدها
اكتشفت ياما ياما وياما يالعضيد=الحقايق شيبت طفلةٍ في مهدها
بس تدري ياحمد هاك مني ما يفيد=النصيحة قلتها وأنت كيفك بعدها
لا تجامل البشر واضرب بيدٍّ حديد=كان تبغى راحتك فالصراحة بدها
رافق أهل الطيب والجود والراي السديد=حط يدّك يالبيب العقل في يدها
ولا تخاوي كاذب وحاسد وملعون سيد=رفقة أهل اللاش ياخوي لا بو جدها
ومن سعى لفراق عينك ترى فرقاه عيد=والضلوع العوج حذرى تبيّح سدها
ذي تجارب دنيتي سقتها لك بالقصيد=فضفضة شاعر بدنيا تزايد جهدها

تحياتي / شاعر عظيم المشاعر

قصيده رائعه جداجدا
حاولت اقتبس منها فلم استطيع وماذاك الا لجمال القصيده كامله من اول بيت الى اخر بيت صح لسانك ايها الشاعر القدير على هذه النصائح الذي لاشك انها في محلها من شخص مجرب شكرالك سجل اعجابي

[عبدالرحمن الجابري الحربي]

المشاركة الأصلية كتبت بواسطة مشعل التريباني

قصيده رائعه جداجدا
حاولت اقتبس منها فلم استطيع وماذاك الا لجمال القصيده كامله من اول بيت الى اخر بيت صح لسانك ايها الشاعر القدير على هذه النصائح الذي لاشك انها في محلها من شخص مجرب شكرالك سجل اعجابي

الشاعر / مشعل التريباني

صح بدنك ياغاااالي .. وما عليك زود ..

ألف شكر علة الكلاام الجميل وعلى المرور العطر ...

تحياتي ..