سجل حضورك بأبيات ارتجالية - الصفحة 4 - °~*¤®§(§ شبـــكة ويــلان العـربـيـه §)§®¤*~ˆ°

**بندر السديري** · 12/05/11, (03:49 PM)

الشاعر الرائع : سعد النفج
تسلم على هاالطرح الرائع

ترى الجفا بليا سبب له حوبه=حني على روح(ن) غلاك اشقاهاا
وان كان حبك ماحفظت دروبه=مانيب بندر سترها وحجاهاا

**سعد النفج** · 12/05/11, (08:29 PM)

شكرا لكم على هذا التفاعل الجميل و على هذه الأبيات التي امتعتنا و راقت لنا ..
و لا زلنا نطمع بالإرتواء من ابياتكم احبائي ..

**محمد بن موسى** · 12/05/11, (10:18 PM)

يآمن يوصل لأبن صالح سلامي=الوايلي تركي عسى الرب ياقاه
ويآخذ معه حرفي وجل احترامي=ويسلمه للقرم في كف يمناه

منورة صورتك الموقع يابو صاالح

**غموض الشمال** · 13/05/11, (01:11 AM)

يالله تفرج ضيقتي وترحم الحال=من هم قلبي ضايقتني هدومي
وقصر عليه وحشة الليل لاطال=ويسر اموري يالطيفٍ رحومي

**بندر السديري** · 13/05/11, (01:20 AM)

والله إني راس رجال من روس الرجـال=والرجـال الصاملـه بيـنـن منطوقـهـا
مشربي من صافي العـد والنبـع الـزلال=والمراجـل عاشقتنـي وانـا معشوقـهـا
مارضيت الذل وأقفيت عن صفـر الـدلال=دلتـي كبيتهـا يـوم شـفـت حروقـهـا

**مشهور الرشدان** · 13/05/11, (03:32 PM)

يا محمد الموسى لو تكون جزاع & في وقت ما ينفع رع الصبر صبره
عن الاوادم طلع احساس ملــتاع & و لا تطلعــه قدامــهـم ثـــم تشـره

**محمد بن موسى** · 14/05/11, (12:56 PM)

اقتباس:
المشاركة الأصلية كتبت بواسطة مشهور الرشدان

يا محمد الموسى لو تكون جزاع & في وقت ما ينفع رع الصبر صبره

عن الاوادم طلع احساس ملــتاع & و لا تطلعــه قدامــهـم ثـــم تشـره

ياصاحبي ماني لما قلت مرتاع=لو شرها ياصل نجوم المجره
اقولها مثني ومثلوث وارباع=واعيدها عشرين مره ومره
اللي مشى سيده على درب الاسناع=مايرخي اذنه لكل شخصً يمره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري