يااااعيااال واااايل ,,, - الصفحة 4 - °~*¤®§(§ شبـــكة ويــلان العـربـيـه §)§®¤*~ˆ°

**فهد العنزي** · 18/05/05, (07:50 PM)

اقتباس:

المشاركة الأصلية كتبت بواسطة مزيد المزيد


	اسعد الله اوقااااااااااتكم ,,, قصيده كتبت عندما شاهدت التناقض في تصرفات البعض بين اقوالهم وافعالهم ...........

ياربعنا يامحتمين المواقيف=مافيه داعي للعلوم الهزيله
هرج القفا مابيننا والسواليف=مامن وراها كود ذل وفشيله
حنا بني وايل ولافيه تزييف=نفخر بفعل رجال عز القبيله
اللي فعول ايمانهم بالخطر شيف=يوم انها بالسيف فوق الاصيله
واليوم كل الناس صارت مواليف=من فضل رب الكون ستر وفضيله
قلته وانا عندي عن الوضع توصيف=شاعر واباوجه رساله جليله
لهل النمايم والضعوف الملاقيف=اللي فنون الطهبله تستوي له
ينبش قبور اموات ردوا مناكيف=ويحّرث ارض" دمدم السيل سيله
عقب الرخا جتنا ختوم المظاريف=وكل" على ماقيل يحسب حصيله
ياحيف يابعض الرجاجيل ياحيف=اللي على ربعه يشب الفتيله
وياساعي" بالتفرقه والتحاريف=بالمختصر مالك ومال الطويله
راس الجبل ماحركته العواصيف=عالي ولاهمه عجاج النثيله
وياعيال وايل بسمكم كل تشريف=اسم" يعز وكلنا ننتمي له
هبوا معي في صف واحد كما السيف=سيف" ينومس باللقا من يشيله
ونبقى سوا في وجه ميل الصواديف=والجمع قوه والمعالي وسيله
وياربعي اللي تحتمون المواقيف=ماضاع رجل" حط عقله دليله

صح لساااانك مليوووووووون يالبناخي

قصيده جزله من شاعر جزل

بيض الله وجهك اخوي مزيد على هل قصيده

وتقبل اجمل تحياتي لك

**مزيد المزيد** · 19/05/05, (12:06 AM)

مااجد

هلابك مليوون وحياك الله ومازلت اتذكر تلك الليله الصعبه جدا" علي لان الصدمه

اكبر بكثير مما كنت اتوقعه

مااجد

شهادتك على عيني وراسي

صح بدنك

دمت بخير

**مزيد المزيد** · 19/05/05, (12:13 AM)

سعد سيف

هلابك وحياك الله بين حروفي

يسعدني حضورك ورايك على عيني وراسي وانا اعرف سعد سيف انه مايكتب بالاحمر الا بحالات معينه

ويسعدني ان تكون قصيدتي ضمن هذه الحالات المعنيه

دمت بخير

**مزيد المزيد** · 19/05/05, (12:14 AM)

خيال البويضا الصقري

هلابك ويالله حيه بين حروفي

صح بدنك ملاااااااااااايين والف شكر لتواصلك العذب

دمت بخير

**مزيد المزيد** · 19/05/05, (12:15 AM)

عبدالكريم العنزي

هلابك وعااش من شاااااااااااافك

وينك ووين ايامك ياعبدالكريم

صح بدنك ولاهنت على مرورك العطر

دمت بخير

**مزيد المزيد** · 19/05/05, (12:17 AM)

الحميدي النبات

ابوعمر

اسعدني مرورك ولاهنت على اطرائك وفعل" كما قلت انت تحريث الامور ليست

من صالحنا ابدا" ونحن في زمن يجب علينا ان نتحد بالقول والفعل

وان نطبق ذلك جلي" ولابد يعلمون ان الناس تعرف كل شيء وليس هو فقط من يعلم ...

ابوعمر

لاهنت على اشباعك لموضوع القصيده وصح بدنك ملياااااااااااااااراااااااااااات

دمت بخير

**مزيد المزيد** · 19/05/05, (12:20 AM)

الدامر

هلابك وحياك الله ولاهنت على تواصلك العذب

ووجهك ابيض

دمت بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري