** كـــــلك جــــــــــروح **

[عبدالله مقبل]

حياك الله اخي سالم صالح


قصيدة روعه اخي وقافية نادرة

هنا النقد في المنتدى مفيد للجميع اتمنى منك تقبل ملاحظاتي على قصيدتك

بكل صراحه حبيت اتكلم دون مجاملة اخي آمل منك تقبل ذلك

القصيدة بشكل عام اضعفها كثرة استخدامك لكلمات غير مناسبة نهائياً

واليك جملة ملاحظاتي اخي الكريم


كلك جروح وعادتك بس تجرح = قلبي وانا اللي فارشه لك بساتين

كم شلت عنك الهم واليوم تذبح = جازيت طيبي من يمينك سكاكين

اخوي الغالي هنا استخدمت كلمة تذبح ولا قلت وش يبي يذبح ماقلت تذبحني ولا قلت تذبح كذا فأحدثت فجوة وفصل بالفكرة

ياللي غلاك من اولاً كان يفضح = يبين في وجهي خيوطه براهين

هنا اخي استخدمت لفظ الخيوط بالوجه كتعبير وهذا خطأ الوجه يأتي فيه وشم وسم ملامح ولا يأتي فيه خيوط


اضيع من وقتي على شان تفرح = مع السهر واحلام ضحك المحبين

روعه والله هنا

واناجي احساسي مع الليل يشرح = عن حبك اللي في قصيدي دواوين

هنا تقول اناجي احساسي مع الليل يشرح ولو قلت اخلي احساسي لكان المعنى متصل

ايظا تقول في قصيدي دواوين والعكس هو الصحيح أخي فالقصيد هو اللذي من ضمن وفي الدوواين

وليست الدوواين في القصيد

واقول ياقلبي ترى حبنا اصبح = نسمه على انفاس الصباح ورياحين

هنا روعة تعبير اخي

لكن خلاص الحين مع همك اكدح = ماعدت تعنيني ولا رفت العين

هنا أخوي سالم تقول من (همك أكدح) والكدح هو العمل الشاق وهي كلمة غير مناسبة لغرض نسيان الحبيب كما رغبت انت

فأنت تريد القول لهذا الحبيب لم تعد تعنيني ولا ترف عيني لك فكيف تستخدم كلمة كهذا( أكدح )

شبيت نار الغدر بالصدر تلفح = تحرق معاليقي وسوت بها الشين

واظلم نهاري من فعايلك واكلح = ونفسي تشوم وخاطري عارفه زين

( هنا استخدمت كلمة أكلح وقد أخطأت في إستخدامها فالكلح هو قبح الفم وماحواليه او التصاق الشفاة بالاسنان )

انا بقلبي خيل والخيل تجمح = عن الردى وتعاف درب الغدورين

والله هنا تصوير في غاية الروعة

واسمع صهيلٍ بين الاضلاع يصدح = فحواه خيل العز تهوى العزيزين

هنا الصهيل يالغالي ماعمره صدح كما قلت

والا انت حبك من غدير الغلا شح = شديت عنه وسقت هجني مصدين

هنا كلمة مصدين مادري وش معناها ولا لها اي معنى واضح اخي

تركت دارٍ عج الايام تسرح = فيها ومن حسرتك تصْفق بكفين

البيت هذا ليس له اي معنى فالعج اخي لايسرح والدار لاتصفق بكفين

وحيد ناس ونازف الجرح يطفح = ماراح تلقى من يشيلك بيدين

قلت يطفح هنا ولا قلت وش يطفح به يعني قطعت الفكرة الشعرية

ودمح الخطا سلمي وبالراس يقدح = بيتٍ ويعطي لك دروس وقوانين

الشطر الاول روعه ويدل على شموخ ذاتك اخي والشطر الثاني مكسور

طرد السراب يتعب اللي ابيطمح = والنجم يهدي من عن الدرب غادين

روعه والله
سكرت بابي دون جرحي ابصفح = وابطوي الماضي على هامش سنين


خاتمه روعه اخي


اشكر لك تقبل ملاحظاتي والتي لاتنقص من شاعريتك اخي

[سالم صالح]

الرااائع / حمد الخمعلي


صح بدنك والله لايهينك على هذا المرور المميز


تقديري وودي

[سالم صالح]

الشاعر الراقي / معيض عريفج


صح بدنك يالغالي والله يعطيك العافية على هذا الاطراء والعذوبة هي تواجدك ومرورك


تقبل تقديري وودي لك

[اميرة الحرف]

طرد السراب يتعب اللي ابيطمـح
والنجم يهدي من عن الدرب غادين



ابو دااانه










صح لسااانك على هذه الرااائعه

وحتما سترضي قصائدك كل ذائقه متعطشه للجمال

دمت بخير

[سالم صالح]

الاخ العزيز والقدير

هندي المقبل

الجمال هو مرور شاعر بحجمك فانت مدرسة شعرية رائدة وشهادتك وسام على صدري ودافع لي ولغيري


تقبل ودي

[سالم صالح]

المشاركة الأصلية كتبت بواسطة محمد بن موسى

انا بقلبي خيـل والخيـل تجمـح
عن الردى وتعاف درب الغدورين

واسمع صهيلٍ بين الاضلاع يصدح
فحواه خيل العز تهوى العزيزيـن


ابو دانه ..

كفوووو يامبدع

عزيز وعليك بياض الوجه

صح السانك يالغالي وجمل الله حالك على هالشامخه

قصيدة جزله من جزالة شاعرها

دمت بود

الشاعر المميز

محمد بن موسى


صح بدنك يالغالي والشموخ هو مرورك الندي

وشهادة اعتز بها من شاعر جميل


تقبل تقديري وودي

[سالم صالح]

الاخ الشاعر / عبدالله مقبل


الله يعطيك العافية على هذا المرور المحمل بالجمال وشاكر لك كل حرف كتبته وهو محل تقدير

والحمد لله ان هناك ابيات اعجبتك اخي وهذا بحد ذاته انجاز


تقديري وودي ولاتحرمنا من مرورك العطر