الى خلف المشعان - °~*¤®§(§ شبـــكة ويــلان العـربـيـه §)§®¤*~ˆ°

**سلطان الحايلي** · 13/02/08, (02:35 AM)

تحيه لكل وايلي اصيل

و مبروووك تأهل سفير الشمال / خلف المشعان العنزي
والعذر على القصووور في القصيده لأني كتبتها عل عجل من الامر ..

ليا صار ابو موسى جرس شعره يدن=ما يفلح اللي جادله بالإمارات
واثق خطاوي والقصايد لها فن=و مع ابن وايل يا حلا كل الابيات
خلف ابن مشعان لن يجحف و لن=يبقى وحيد ٍ دون ظهر ٍ وفزعات
يا عيال وايل يوم الايام ينسن=فـ ابو ظبي لهن مراجع و لحظات
يعني سنه والعلم يذكر ويحكن=قصايد ٍ تبروزت بالكتابات
واليوم شفنا الوضع و امور ما جن=كنا نتوقع صوتنا به فروقات
الصوت فرّق بين الاثنين واعلن=عيضه تأهل والبقيه سراوات
بطاقة التاهيل وآمال يبنن=وآمال مهدوده على غير حيلات
اثنين برا والموازين توزن=بيدين خمسه والنتايج خفيات
وخلف تأهل ما نبي ( نمبره ون )=يكفيني الثاني والايام عسرات
وانا ادري( الكلمه) لو ان وزنها طن =من شعر ابو موسى فالارزاق قسمات
يكفي غلا الويلان يالوايلي غن=اطرب مسامعنا جزيلات الابيات
حنا نماري بك فلا يلحقك ظن=دام 11 رقمك سلام و تحيات

**أبو رائد** · 13/02/08, (04:44 AM)

سلمت يا سلطان

وصح لسانك على هذه الرائعة

والله التلاعب واضح جدا

قبيلة السفياني مع احترامي لها

قليلة جدا ، فكيف تقارن بالصويت اللي وصل لخلف ؟؟؟

الامر مستغرب

لكن يبقى ابو موسى فوق الجمييع بإذن الله

**سعود المسعودي** · 13/02/08, (11:10 AM)

سلمت يا سلطان

وصح لسانك على هذه الرائعة
ويستاهل خلف المشعان اللي اخذها بالتصويت من الويلان وبيمناة جمع بين الثنتين بيض الله وجهه

**فهد الشافي** · 13/02/08, (01:09 PM)

صح لسانك سلطان ويعطيك العافية

على القصيدة الجزلة

تحياتي

**فهد معزي** · 13/02/08, (02:59 PM)

صح الله لسانك اخوي سلطان

يستاهل اابو موسى

واتمنى له دوام التوفيق

**ماجد الغانم** · 13/02/08, (03:18 PM)

"الأخ العزيز

والشاعر ..

سلطان الحايلي

صح لسانك ..ولا هنت

ويستااااااهل ابو موسى

وكان يستحق التأهل بكل جدارة وبالتصويت ولكن ....

هناك بعض علا مات الأستفهام حول قوانين المسابقه؟؟؟؟؟؟

...
.
تقبل خالص تحيااتي أخوي سلطان

**خلف الغريب** · 13/02/08, (03:34 PM)

الف صح لسانك اخوي سلطان ...

وجهك ابيض وما قصرت والحقيقة عبرت عن مشاعر الجميع ...

تحيااااااااتي..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري