قصيده للشاعر / سعد بن جدلان.. - °~*¤®§(§ شبـــكة ويــلان العـربـيـه §)§®¤*~ˆ°

**سعد النفج** · 13/04/09, (09:46 PM)

الا يالله عفوك لا معي بيجر ولا جوال=ولا عندي وظيفه والتجاره فاشلن فيها
ولاعندي شهاداتن ولا حرفه تسد الحال=ولا حظن كبيرن لأخطت الجره يقديها
مخابي الثوب تومي ما دخلها من زمان ريال=بها فاتورة الكهرب ولا يمديي أقضيها
على ذيك العراوي تتعب الحادي مع الجمال=ثلاث شهور فالورشه وشهرين مغطيها
ابيها لوتجمل يوم واجلبها على الدلال=يجيها واحدن حظه مثل حظي ويشريها
نصيت العسكريه يوم قالو للنظام إرجال=و قدمت الملف و صورتن متشخصن فيها
خذ الأوراق مني واحدن ما عند ابوه دلال=سلوم الناس وأهل المعرفه والطيب مخطيها
قراها في دقيقه والتفت عجلن علي وقال=شهادتك العظيمه ياولد وين انت مخفيها
هزيت الراس ما عندي تقول اني من البنقال=وقمت أحب خشمه واطلبه بالله تمشيها
حذفها من يده شين الطبيعه والنبا والفال=وقال أزين تعود صوب نوقاتك تعشيها
تناوشته من الكرسي وعفت الحل والترحال=وضربته بالبياله عقب ما بيحت شاهيها
خذوني للسجن لانيب لاظالم ولا محتال=مجرد واحدن جا يكحل عيونه فيعميها
ويومني خرجت أقفيت لارض الله وسيع الجال=على برن هواه يداوي العله ويبريها
ادور قصعة الجربوع والضب الفتى يحتال=والأرنب ياشفاة الروح محلاها وطاريها
بلا كهرب ولابيجر ولا غازن و لا نقال=قوانين الحضاره لاتبي شوفي و لا ابيها

**سعود المسعودي** · 13/04/09, (10:11 PM)

مشرفنا القديرالاستاذ/ سعد النفج

صح اختيارك وصح لسان بن جدلان

اختيار جزل الله يقويك

**فهد الشافي** · 14/04/09, (03:05 AM)

اختيار رائع ومميز

فائق تحياتي

**حمد الخمعلي** · 14/04/09, (03:10 AM)

الاخ سعد النفج

اخيار مميز لشاعر متميز0

سلمت ايدي نقلتها0

تحياتي

**أبو غرام** · 14/04/09, (10:51 AM)

المميز لا ياتي الا بما هو مميز

لله درك اخي على حسن ىاختيارك وصح لسانك

ولسان القائل

لاهنت على الاختيار الجميل

**سعوط المجانين** · 14/04/09, (07:48 PM)

صح لسان ابن جدلان ولاهنت ياسعد على الانتقاء الرائع

تقديري

..

**الجادل** · 14/04/09, (08:13 PM)

مشرفنا سعد النفج

مميز أينما كنت

اختيار رائع للشاعر سعد بن جدلان

صح لسان الشاعر وصح ذوق الناقل

تقديري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري