(الوايــــلي)

[ابراهيم اليزيدي]

بسم الله الرحمن الرحيم
السلام عليكم ورحمة الله وبركاته

اللهم صل على محمد وعلى آله وصحبه أجمعين

رافقت ليه صاحبن مانساني=وانا بعد فلا نسيته ولا يوم
وعهدن على انه معي في زماني=في وسط قلبي ناسخه دايم الدوم
وان حدته سود الليالي لقاني=وافي معه فلا يجي مني اللوم
وانا ابن وايل ثابتن في مكاني=والخمعلي ولينتهظ كله عزوم
حي الله اللي بالمواقف نصاني=ابراهيم لك ثابت وساسه من اقروم
جدي اخو سوده عريب المجاني=اعيال وايل بالمواقف لنا زوم
ربعي بني وايل وهاذا كفاني=العزوه اللي ناصره كل مظلوم

(((بعدالله سبحانه وتعالى)))

[أبو غرام]

الله عليك الله

صح لسانك اخي واعتلا شانك

بالفعل هي العزوة اللي تنصر المظلوم بعد عون الله تعالى .. ولاتهون باقي القبائل

لله درك على جميل بوحك اخي

تقبل مروري وتسجيل اعجابي يالخمعلي

[ساجر الحثربي]

ربعي بني وايـل وهـاذا كفانـي العزوه اللي ناصره كـل مظلـوم


(((بعدالله سبحانه وتعالى)))
فيك الخير
مثلك يرفع الراس

[الــهــنــوف]

والله والنعم فيك أخوي إبراهيم

ووالنعم بعيال وايل

صح لسانك على هالرائعه

لاعدمناك يارب

[مزيد المزيد]

ابراهيم

كفو وسبعة انعام بعيال وايل
كلمات ذات بعد اخر وروح طاهره ..
صح لسانك مليووووووووون

دمت بخير

[تركي صالح]

نعم فيك

يابراهيم الزايدي

وعزالله كفيت ووفيت

دمت وسلمت على هذا اللابداع

وتقبل خالص التحايا

[سليمان الجعفري]

ابراهيم اليزيدي

صح لسانك وعلاء شانك يالوايلي .. يحق لك ان تفتخر..انت من بني وائل

قصيده رااائعه وبها اعتزاز وافتخار بالقبيله ...لاهنت يالغالي

بالفعل هي العزوة اللي تنصر المظلوم بعد عون الله تعالى .. ولاتهون باقي القبائل الاخرى

لله درك على جميل بوحك وجمالها يغطي على قصر ابياتها .. امتعتنا الله يعافيك

لك اجمل التحايا والاحترام