الله خلق كل العظيمين ويلان.... الا النبي ماهو من أولاد وايل

[أحمد غانم العنزي]

بسم الله الرحمن الرحيم...

في البداية أود شكر الأستاذ والشاعر الكبير خلف الغريب الفقير.
على الدعوة للتسجيل هنا في هذا الصرح الشامخ شبكة ويلان العربية, وأحببت أن تكون أول مشاركاتي قصيدة في مدح قبيلة (عنزة) مع أنها من قديمي الذي مللتموه.
لكن , لأن هذا المتدى يحمل الاسم الذي نعتز به وهو عزوتنا الخالدة (وايل).
آثرت أن تكون تلك القصيدة هي أول مشاركاتي هنا.

أترككم مع القصيدة...

يومن كل قال لولو ومرجان = أنا جزت نفسي ولاني بقايل
سويت لي في ساحة الشعر ميدان = مايركضن به غير عقب الأصايل
بنت العبيا مهرتي من كحيلان = اليا تباهو بينهم بالسلايل
اليا تبارت مع عذيات الألحان = تسبق جميع اللي تسمى جزايل
أنا ليا مني تغنيت طربان = أطرب قلوبن قبل أغني غلايل
يا لابتي أتنم هل المدح والشان = لو يزعل التاريخ كل القبايل
الله خلق كل العظيمين ويلان = إلا النبي ماهو من أولاد وايل
حكمه من الله بختصرها بعنوان = من شان يبقى للبرية فضايل
وبالمصطفى حنا اجتمعنا بعدنان = الحمد للوهاب جزل النحايل
من مثلنا لاثارت الحرب شجعان = ولاخير في هرجن بليا دلايل
يومنها ضاقت على بنت نعمان = وتعذرت عنها جميع الحمايل
تبكي وتنخى كل ماقيل عربان = وين العرب عن ناقضات الجدايل
قلنا ازبني للي يزيلون الأحزان = عيال وايل محتمين الدبايل
عقيل لكنا مجانين الأكوان = الله كملنا بكل الخصايل
حنا كسرنا الفرس ماهم هل الضان = هل الجموع مقصرة كل طايل
من ضربنا راحوا هلاكا وذلان = من عقب ماهم مرهبين الأوايل
وحنا أكثر العربان بالكون فرسان = وهرجن بلا برهان يرث فشايل
رح إنشد التاريخ عن فعل مشعان = شيخ الشجاعه والكرم والمثايل
إنشد عن الهذال لاصرت بحلان = وتبغى تذرى عن سموم القوايل
وعن راع الأجرب والمسمى غزالان = وعبدالعزيز اللي لطم كل عايل
لابة هل العوجا طويلين الأيمان= صفوة بني وايل لها المجد آيل
وشعلان ماأدراك عن فعل شعلان = تنبيك عنهم مرهفات الصقايل
حكام من حكام من من نسل شيخان = عن مدحهم تقصر جميع الوسايل
وعن السمير أنشد مواريث عثمان = ولادعه يوم الملاقا هوايل
مايدري السلطان لوكان سلطان = يحسب معزتنا علومن سمايل
ذي قار ذي قارين في ماض الأزمان = أخوان عذرا جددوها فعايل
حكام نصف الأرض يوم الشفق بان = بأمر الدية قامت ترسل رسايل
وعن المهيد أنشد ولو رحت لعمان = تلقى علوم أهل النقا والنفايل
اللي تبشر بالعشا كل جيعان = يوم الدهر في كل الأعراب مايل
وعن البقية صار بالقاف نقصان = القاف شاب ولاحصرت الهوايل
ومن عقب ذا يامنكر الحق غلطان = من مثلنا من صفحة المجد نايل

[علي السابل]

صح لسانك

والله لا يهينك

قصيده مشرفه شعرا ومضمونا

وكل الشكر للأخ خلف الغريب على دعوة الإبداع

وياهلابك ..

تحيه وتقدير

[خلف الغريب]

اخي الشاعر المبدع احمد غانم الفقير ...

اولا ارحب فيك اجمل ترحيب في ويلان بين اخوانك واخواتك المبدعين والف ترحيبة بك وشكرا لقبول الدعوة ...

الف صح لسانك وسلمت على الابداع يا مبدع ..

احمد غانم ..

اثق تماما انك ستصنع لنفسك اسما في الساحة الشعرية ان شاء الله فأنت تمتلك مقومات الابداع الحقيقية من موهبة ووراثة ..

يا لابتي أتنم هل المـدح والشـان
لو يزعـل التاريـخ كـل القبايـل
الله خلق كـل العظيميـن ويـلان
إلا النبي ماهـو مـن أولاد وايـل
حكمه من الله بختصرهـا بعنـوان
من شان يبقـى للبريـة فضايـل
وبالمصطفى حنا اجتمعنا بعدنـان
الحمـد للوهـاب جـزل النحايـل



لا هنت يا احمد على جمال حضورك ..

صح لسانك ..

تثبيت ..

[أحمد غانم العنزي]

علي السابل..

صح بدنك وشكرا لمروك وإطراءك..

أسعدني تواجدك..

[أحمد غانم العنزي]

المشاركة الأصلية كتبت بواسطة خلف الغريب

اخي الشاعر المبدع احمد غانم الفقير ...

اولا ارحب فيك اجمل ترحيب في ويلان بين اخوانك واخواتك المبدعين والف ترحيبة بك وشكرا لقبول الدعوة ...

الف صح لسانك وسلمت على الابداع يا مبدع ..

احمد غانم ..

اثق تماما انك ستصنع لنفسك اسما في الساحة الشعرية ان شاء الله فأنت تمتلك مقومات الابداع الحقيقية من موهبة ووراثة ..

يا لابتي أتنم هل المـدح والشـان
لو يزعـل التاريـخ كـل القبايـل
الله خلق كـل العظيميـن ويـلان
إلا النبي ماهـو مـن أولاد وايـل
حكمه من الله بختصرهـا بعنـوان
من شان يبقـى للبريـة فضايـل
وبالمصطفى حنا اجتمعنا بعدنـان
الحمـد للوهـاب جـزل النحايـل



لا هنت يا احمد على جمال حضورك ..

صح لسانك ..

تثبيت ..

الله لايهينك يابوخالد..

شهادة أعتز وأفتخر بها لأنها من خلف الغريب..

قد يكون خلف الغريب غير معروف كشاعر مشهور كشهرة أناس أقل منه شاعرية بكثير....لكن المهم أنني أعرف أنا من هو خلف الغريب..الذي سوف ينصفه تاريخ الشعر الشعبي يوما ما إن لم ينصفه إعلام اليوم..


وأنا أفضل إن كنت أمتلك شيئا من مايمتلكه أن ينصفني التاريخ أيضا..


شكرا لك يابوخالد والله لايهينك..

[رابح الغضيان]

صح لسانك

وبيض الله وجهك

وهلابك اخوي احمد في ويلان


تحياتي

[أحمد غانم العنزي]

رابح الغضيان..

صح بدنك وشكرا لمرورك...

أسعدني تواجدك..