اهداء لابطال الجيش السعودي

[محمد العاند]

اهديها لأبطال لاجيش السعودي المرابطين على الحدود الجنوبية لبلادنا الطاهرة ..
خصوصا افراد المظلات الذين يفادون بأرواحهم حماية لبلاد الحرمين ..
اهديها لهم من تبوك الورد .

ثارت براكين الشجاعة بالابطال=عاشوا محررة ارضها مع سماها
بالفعل ماهي بالحكاوي والاقوال=صبوا على روس البلاوي بلاها
هذا السعودي لانتخى الجال بالجال=لبوا يسوقون العمار لثراها
تعطرت وديان خوبة باللي سال=يوم العدا قامت تناثر دماها
بالجو نفاثة وبالقاع زلزال=والله اكبر يوم دارت رحاها
ومن السما حول مظلي للاهوال =حول كما حر نزل من علاها
قمة شجاعة والشجاعة لها رجال=قل للقصايد تفتخر في عطاها
شفهم على حد اليمن صاروا جبال=درع الوطن والله بدرعه حماها
وردوا على حياض المنايا بلا حبال=كلن يقول انا الشهادة عشاها
من حثحث الحوثي على الحد يغتال= قل له يموت الشعب كله فداها
الدولة اللي حكمها بيد رجال =ليا وقف ترجع عداها وراها

[هندي المقبل]

هذا هو دور الشاعر الحقيقي

الشاعر محمد العاند صح لسانك على هذه الابيات الرائعه جدا

ابطالنا يستاهلون الدعم والمسانده والدعاء

جزاك الله خيرا

[نفاع العنزي]

الغالي الشاعر الغيور : محمد العاند


والله وصح لسانك

ومن السما حول مظلـي للاهـوال
................ حول كما حر نـزل مـن علاهـا
قمة شجاعة والشجاعة لها رجـال
................ قل للقصايد تفتخـر فـي عطاهـا
شفهم على حد اليمن صاروا جبال
............... درع الوطن والله بدرعـه حماهـا


كلام من ذهب


وأبطالنا يستاهلووووون


.

[عوض بن خميس]

الاخ الشاعر القدير محمد العائد
روح وطنية رائعة تجلت فى هذا النص الفاخر. حفظ الله بلادنااااا من كل مكروة . وحقد حاقد انة سميع مجيب الدعاء
تقبل تحياتى ومرورى

[هزاع الساري]

شفهم على حد اليمن صاروا جبال
............... درع الوطن والله بدرعـه حماهـا



الله عليك

صح لسانك على هذه الرائعه

تقبل مروري

[عبدالله مقبل]

الـدولــة الـلــي حـكـمـهـا بــيــد رجــــال
لــيــا وقــــف تــرجــع عــداهـــا وراهـــــا




كفو يالذيب انت وقصيدتك


صح لسانك ملايين

[ماجد الغانم]

الأخ الغالي


محمد العاند

صح لساانك ...ولافض فوك

لله درك على هذه المشاعر الوطنيه الصادقة

بارك الله فيك

ونسال الله أن يحمي هذا الوطن ويمن عليه بالأمن والأمان

دمت بكل خير ...

تقبل جل تقديري واحترامي