أنطـق تشـرفت ..:

[سعود الخلف]

متواضعه
.. لمصافحة أرواحكم الطاهره ..
لعل وعسى أن ترتقي لذائقتكم ، وتشفع لـ غيابي

*

أختر وقرر عطني اللي أتخـذته
....................... تعبت أنا من كثر ماأحسب الوقت

خذ راحتك بالهـون سرك كشفته
....................... وأدري سكوتك ليش لأنك توهقت

لاتنحرج منـي ولا تقول خفته
....................... وأدري بأمرك كل ماكنت صدقت

خـلاص بِنت وبان بالعين شفته
....................... ماكـان خافي بـان بأنسان صادقت

اللـه وياللـه في يدينك كتبته
....................... سبحان رب الكون والله ماأشتـقت

أبعـد خلاص أبعد طريقك تركته
....................... وحطيت أنا بيتـك جنوبٍ وشرقت

ماني عليـك مولعٍ لو وصفته
....................... وأدري على حكـيً حكيته تضايقت

الله يسامح ذنـب ٍمعاك أقـترفـتـه
....................... لاعشت فيك الحلم ولاأنته تحـقـقت

أنا .. أنا / سعـود تذكر عرفته ؟؟
قدّر زمانٍ فـات : أنطـق تشرفت

قدّر زمانٍ فـات : أنطـق تشرفت

[بدرفهد الجعفري]

الشاعر سعود الخلف

صح لسانك على هذه الابيات الجميله وان شاء الله ماتغيب الا عن الشر وننتظر دائما الجديد منك

تقبل اعجابي

[بنت الكحيلا]

الحمدلله على السلامه اخوي سعود الخلف

وصح لسانك وتسلم على القصيدة الرائعه

كتبت وابدعت بارك الله فيك

لك شكري تقديري

[سالم العنزي]

شاعرنا الجميل : سعود الخلف

صح لسانك على هذه الرائعه الشعريه والعوده الجميله

تقبل اعجابي وتقديري

[صالح الأسود الجعفري]

سعود الخلف

صح السانك ع النص الشامخ
دمت بخير

[سليمان مفضي العنزي]

عوده جميله ومشاعر رائعه وقصيده جزله

الشاعر سعود الخلف صح لسانك وتقبل اعجابي

[تركي علي الخالدي]

قصيده اعجبتني وانا اقراها لاول مره

سعود الخلف تقبل اعجابي المتواضع