الشاعر عبدالله المجلاد > الحوراء بنت نجد - °~*¤®§(§ شبـــكة ويــلان العـربـيـه §)§®¤*~ˆ°

**الحوراء بنت نجد** · 03/12/12, (10:53 PM)

الشاعر عبدالله المجلاد شاعر معروف قدمها عبر

رساله وطلب مني أن يكون لي اتمام بقية الابيات

مؤكد لم ولن أبلغ مستواك استاذي عبدالله المجلاد

(هكذا أتت )

عبدالله بن سماح المجلاد

في غيبتك سِلْت لك شعر وتدفقت = قصايد ٍ تسكن قلوب المخاليق
وازْهرت من ديمة التّحنان واوْرقْت = لو شفت ورد الغلا غطّى المعاليق
انْ كنت ياحبي من فراقنا ضقْت= انا بدونك حياتي كلها ضيق
ياأجْمل الوقت من غيرك بدا الوقْت=صحرى ظمى موحشه وتنشف الريق

الحوراء بنت بنجد

ياليت تدري عنْ شُهُور ٍ بها ذِقْت =كاسات شوقٍ رشْفتهْ فكّة الرّيق
ألين صوت الوله قال اصْحي وفِقْت =ولقيت طيفك تصوّر بالمغاريق
حُور ٍ تعنّتْ منْ اِعْلُوم ٍ لهْ اِشْتقْت=لحْظات وصْل بغسقْها والتّشاريق
لاخالطْ اِحْساسِي شُعورك وروّقْت =واشْعلْت انا وانْت شِرْد ٍ للطّواريق
هُنا ترى ياشْقر الجنْحان حلّقْت=في مستوى مايطولونه مِشافيق
اجِيك خيل وجيشٍ مارْقب الوقْت=وأشيل وِد ٍّ سِما ماهو تلافيق
وِضْح النّقا ثُوبي ودوّنْت وابْرقْت=لكْ يارزِين ٍ نِفى درْب المِطافيق
حرّ ٍ واظنّ انه طغى تُوقي ليا تِقْت =شيخ ٍ بعيني نِدرْ بين المخاليق

الحوراء بنت نجد

**حمد الضوّي** · 04/12/12, (03:06 PM)

الحوراء بنت نجد

صح لسان الشاعر عبدالله المجلاد
وصح لسانك وصوت وصدى رائعين

انقى تحيه

**خلف الغريب** · 05/12/12, (09:35 AM)

صح لسانك ولسان الاسطورة عبد الله المجلاد ..

مجاراة رائعة لابيات رائعة ..

**سعد النفج** · 07/12/12, (07:16 PM)

الحوراء بنت نجد ..
صح لسانك و صح لسان الشاعر المعروف عبدالله المجلاد ..
.
تألقتي في هذه الأبيات ..
و أنتي شاعرة مميزة و لك بصمة شعرية رائعة ..

**صالح الأسود الجعفري** · 08/12/12, (01:08 AM)

الحوراء بنت نجد

صح السانك نص رااائع

دمت بخير

**الحوراء بنت نجد** · 05/01/13, (02:21 AM)

حمد الضوى

اشكرك للمتابعه يسعدني تواجدك

وحياك الله

**الحوراء بنت نجد** · 12/04/13, (03:42 PM)

خلف الغريب

اشكر لك هذه المداخله الرائعه

وصح قلبك شاعرنا0

تقديري لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري