اقتباس:
المشاركة الأصلية كتبت بواسطة ابوالهيثم
السلام عليكم ورحمة الله وبركاته
مساكم الله بالخير يالربع جميع اود ان اضع بين ايديكم هذه القصيده التي تشرفت بألقائها
الشاعر :سعود هندي فندي بن نومس العنزي امام الشيخ عبدالكريم فرحان العقاب العواجي
يا مرسلٍ بلسان جبريل الآيــــــــــات **** على النبي اللي عبادك هداهـــــا
ياسامعٍ تسبيحنــــــا و التحيـــــــات **** الليل ظلمى وانت تسمع صداهــــا
ياغايثٍ جرد الديـــــار المـحــيـــلات **** مـن مدلهم الوسم تبـعث حياهـــا
عفوك وسترك يوم كشف الستيــــرات **** لاضاق بنفوس الخـلايق فضـاهـــا
بيومٍ تخـــافت به حــلوق البريــــات **** من هول وقفات الحساب ولظاهـــا
كلٍ يحصـــــل ماعــــــمل بالملفـــات **** امــا حيــاة الــعز والا شقـاهـــــا
يارب لـطفك و العفـــــو والمرافــــات **** والا نفوس الخلق واجد خـطاهـــا
ارجيـك يا مــولاي بإخلاص نيــــات **** ياعـالم غـيب الـصدور و خـفاهـــا
خـذني عن الهيـال والمستهيـــ ــلات **** وعن طيش عبثات النفوس وغثاهـا
واحفظني بحفظك عن الإنتقـــــادات **** وعن زلـةٍ صلف الهوى مادراهـــــا
هب القصيد وجت تهادى الجزيلات **** يـوم ٍ هــاجوس المــشاعر دعاهــــا
ماهن لقايط من صــــدور المجـــلات **** ابـداع فـكـرٍ بالجـزيـل يـتباهـــــا
واسندت معناهن الـــراع الفضيـلات **** شيـخٍ رفيعــات المعالـــي رقاهــــا
عبد الــكريم اللي عــزومه قويـــات **** ذاك الذي شيخــة جـدوده خذاهــا
ولاهي غريبة والمـــوارث قديـــمات **** شيــخٍ مـن شيــوخٍ بعيــدٍ مــداهــا
اللي خذوها بالـسيوف الصقيـــلات **** اخـــوان نمشه عـز للــي نـخاهـــا
يوم المراجل بالــسيوف الـرهيفـات **** يـرمون لسبــاع الـفيافي عـــشاهــــا
وعوق الخصيم ويلحقون الصويبـات **** فـي سـاعـةٍ ماينفـرح فـي لقـاهـــــا
وعز الخوي و الجار واهل المــروات **** وان شـلفـح الزمــان ينـدي نـداهـــا
ومزبان من ضاقت عليه الوسيعــات **** اخــوان نمشه تــبهج اللـي نصـاهـا
مغنيهم التاريخ ماهي دعايــــــات **** صفحــاتـهم بالمـجـد كـلٍ قـراهــــــا
واليوم في وقت الرخا والدراســـات **** تـرثت رجــالٍ عـاليٍ مـستـواهــــــا
امثال شيخٍ مايهاب الصعيبــــــات **** هــذاك ابن فرحــان فـي ملتقاهـــــا
عبدالـــكريم اللي فعوله مجيـدات **** اللـي حصـــون الـــمجد شـيد بناهــا
مبروك ماسويت ياطيب الــــــذات **** باسمي وباسم ربوعـي الـلي تراهــــا
نوامسة ربعك وبوقت المهمــــــات **** مـن راس وايـل مجدهـا ومعناهــــــا
وحنا بحكم اللي حكم بالـعــدالات **** مـعزي اللـي عزهــا واعـتـزاهـــــــا
عبدالعزيز مسوي المستحيــــــلات **** اللـي علـى جـرد السبـايـا ولاهــــــا
وهدم طواغيت الجهل والضــلالات **** وألــف قـلـوبٍ بالمصــقـل لغــــــاها
وحكم بشرع الله بكل المــــجــالات **** وبالـسيف محمـود الفعـايل حمـاهــا
عساه مايشوف اللظى والسعيرات **** وأرضٍ بها قبره ايطيبْ ثراهــــــــــا
واليوم في وقت الرخا والمســـــرات **** في عهد ابو متعب تزايــد بهاهــــــا
اللي يحل الكايدة والعصيبــــــات **** زعــــيم الأمـــة لاوصــــل مـنتهاها
عبدالله اللي بالرخا والقســـــاوات **** عــز الوطـــن ومواطنـــه وقصراهــــا
وولي عهده ساعده دون شكـــــات **** سلطـــان.. سلـــطان المعالـــي مشاهــا
اهل الفضيلة والفخر والمســــاوات **** حكــامنــا الله لايــفــرق عصاهـــــــا
وختامها مني سـلام وتحيــــــات **** وصــلاة ربــي عـد ماامطــر سماهــــا
وعـداد ماخط القـلم بالسجـــــلات **** علــى الــنبي وعـداد مااخضر وطاهــا
وتمت على تسع وثلاثين الابيـات **** ابـخـتصـر والا طـويـــلٍ مــداهـــــــا
واتمنى ان تحوز على رضاكم
اخوكم عيادالنومسي (ابو هيثم ) |
وعليكم السلام ورحمة الله وبركاته
مساك الله بالخير، وحياك لله أخوي(ابوالهيثم) أسعدنا موضوعك المميز، وتواصلك بكل ما هو جديد، وجزاك الله خير على هالقصيد الجزله
مع تحيات
النومس العنزي
18/12/07, (03:44 AM)
رد: الشيخ عبدالكريم فرحان العقاب العواجي
العرض المتطور
