صوت وصدى ابن مغيلث ورابح الغضيان - °~*¤®§(§ شبـــكة ويــلان العـربـيـه §)§®¤*~ˆ°

**رابح الغضيان** · 18/01/09, (06:24 PM)

من الشاعر/الجميل محمد ابن مغيلث

يارابح اغضيـان مطلـوب فـوري=بالمنتـدى هـذا وطالبـك ديــان
يارابـح غضيـان فجـرت طـوري=يومن قريت اسمك بلوحه وعنـوان
اثرك عروفـن بالشعـر ومخبـوري=شاعر وتكتـب بالغـزل ياكحيـلان
في مامضى بالمعرفـه والشهـوري=مابحت لي عن شعرك اللي له اثمان
لاشك دونـك علتـي مـع نفـوري=مادمت شاعر هاك دمعي والاحـزان
لي صاحبن يارابـح القـرم حـوري=حوري يابن عناز والقلـب لـه لان
غروٍ جعل كـل الحواسـي تـدوري=ودارت حواسي صاحبك لـه يافـلان
اللي وصاله لـي يشوبـه فتـوري=وعجزت لافهم مقصـده يالغضيـان؟
القلب مـن يمـه يلطـف شعـوري=ويرقص لها ساعه ويدبك له احيـان
ويصفق اظلوعي والمعنى صبـوري=وصرت بتناقض بامتناعي والاذعان
عجزت لاقدم وكل مقـدم جسـوري=في معركه مابه وسامـن ونيشـان
تطحـن رحاهـا بالمعالـق وزوري=وسط الحشى ثارت مدافـع ودخـان
النـوم مالـه للمغيلـث حضـوري=اقضيه كله يابيض القلـب سهـران
ابي النصيحه من جنبكم و( sorry )=ان كـان انـا ازعجتكـم يابليهـان
بيتيـن قلتـه ياجماعـه ظـروري=غصبن علي من ما بقلبي من اشجان
رابح ودونك واقبلـه فـي سـروري=الطرح واضح وانت شاعر ولاتهـان
دونك معاناتـي وعطنـي عبـوري=مادامنـي سطرتهـا بيـن ويـلان

ورديت على ابوسعود

قرّب لي البراد عجل ضـروري=ربيع تلقيمه على جمـر خـدران
أحمر على ذوقك ولاهو بغـوري=خل الغواري لأهل الشام ومعـان
ساده بـلا نعنـاع خلـه يفـوري=لونه شفايف بنت عودٍ بالاسكـان
البنت مزيونـه وفيهـا غـروري=هي اخر العنقود والعود بطـران
اسكب لي الشاهي وشيلوا فطوري=الشاي كفانـي ولانـي بجيعـان
وسبحت بالهاجوس غب البحوري=وجنيت منها عقد لؤلؤ ومرجـان
جتني رسالة عطرها ورد جوري=من شاعرٍ في بدع الامثال فنـان
دايم على الجزلات عزمه جسوري=بالطيب له منزل وبصمه وعنوان
يالشمري لك عندنـا بالصـدوري=قدر وحشيمه والزماله لهـا شـان
ياابن الطنايا يالكريـم الغيـوري=على العلوم الطيبـه فعلكـم بـان
تاريخكم من ماضيات العصـوري=تشهد لكم حايل وسلمـى ورمـان
لاتشتكي يالقرم خلـك صبـوري=قبلك وقع بالحب ذربين الايمـان
الحب يامحمـد تـراه مخبـوري=عقاب العواجي والخفاجي وفرسان
مابه شجاعـه ياوفـيّ الشبـوري=دمارشامـل زي ماتملـك ايـران
وانا معك بالمال سجل حضـوري=من ريال للمليون في خدر الاعيان
وان كان هي بالجاه دقيت زوري=عسى ردي الجاه يبـلا بخـذلان
بجيب شيخان الجزيرة صقـوري=قحطان وعتيبه وشمـر وويـلان
هذا جوابي وسمحوا بالقصـوري=ذيلتها بتوقيـع رابـح غضيـان

وتقبلوا تحياتي

أخوكم:رابح الغضيان

**عايدالعنزي** · 18/01/09, (06:57 PM)

اخوي العزيز

الشاعر العذب

رابح الغضيان

صح الله لسانك مليااار

اعتبر نفسي محظوظ

وانا اول من يعانق الجزاله

صوت مبدع من الشاعر محمد المغيليث

وصدى كان له اصدى بالافق

هذا مجرد حضوراول

حتماُ ساعود باذن الله

تقبل تحياتي وتقديري

**سعود المسعودي** · 18/01/09, (07:20 PM)

مابه شجاعـه ياوفـيّ الشبـوري=دمارشامـل زي ماتملـك ايـران

الصوت رائع والصدى أروع

الاستاذ القدير رابح الغضيان

قصيده طيبه وجزله

صح لسانك وعلا شانك وسلم فكرك وبنانك

ولاهنت مليون ولايكفون

**سالم صالح** · 18/01/09, (09:26 PM)

صح السانكم جميعاً شعراء رائعين وبالوزن الثقيل تحملون المعنى الرائع والفكرة الفريدة

تقبلوا تقديري واحترامي

الشاعر الرائع /محمد المغيلث

محظوظين بتواجدك بيننا فانت شاعر جميل

استاذي الشاعر المبدع /رابح الغضيان

غني عن التعريف وشهادتي فيك مجروحة

**شاعر البيتين** · 18/01/09, (10:12 PM)

الـــــــــــــــلـــــــــــــــــــــه الـــــــــــــــــــــلــــــــــــــــــــــه

أبـــــــــــــــــــــــــداع أبـــــــــــــــــــــداع يامبـــــــــــــدعين

صحت السنتكم وبيض الله وجيهكم أسمتعت هنا

تحياتي وتقديري

**نافع عيد الجديد** · 18/01/09, (10:31 PM)

لله دركم
لا هنتوا جميعا ابداع غير مستغرب

صح الله السنتكم جميعا

لكم الاحترام والتقدير

**تركي صالح** · 19/01/09, (08:37 AM)

بيض الله وجهك يابو هيثم

رد كافي وافي من شاعراً جزل

ولا هو غريب عليك الابداع دائمً مبدع

أبيات مميزه وثمينه

تحمل بطياتها الروعه والجزاله

صح لسانك ملالالالالالالالالالالالالالالالايين

وتقبل خالص التحايا